બોલિવૂડ અભિનેત્રી સુષ્મિતા સેને લગ્ન કરવા પર કરી ખુલીને વાત

સુષ્મિતા સેન છેલ્લે વેબ સિરીઝ તાલી અને આર્ય 3માં જોવા મળી હતી અને બંને સિરીઝ માટે ઘણી લાઈમલાઈટ મેળવી હતી. આ સિવાય તેના સંબંધો અને બોયફ્રેન્ડ માટે હેડલાઇન્સમાં રહે છે. છેલ્લા થોડા સમયથી બૉલીવુડમાં લગ્નની સિઝન ચાલી રહી છે એવામાં હવે વધુ એક અભિનેત્રી લગ્નના બંધનમાં બંધાઈ શકે છે એવી ચર્ચા ચાલી રહી છે. પોતાના કામ સાથે અંગત જીવનને લઈને બોલિવૂડ અભિનેત્રી સુષ્મિતા સેન લોકો વચ્ચે ચર્ચામાં રહે છે અને લગભગ ચાહકો હવે તેમના લગ્નની રાહ જોઈ રહ્યા છે. તાજેતરમાં જ અભિનેત્રીએ તેના લગ્નના પ્લાન વિશે વાત કરી છે.

જાણીતું છે કે બોલિવૂડ અભિનેત્રી સુષ્મિતા સેન છેલ્લે વેબ સિરીઝ તાલી અને આર્ય 3માં જોવા મળી હતી. તેણે બંને સિરીઝ માટે ઘણી લાઈમલાઈટ મેળવી હતી. આ સિવાય તેના સંબંધો અને બોયફ્રેન્ડ માટે હેડલાઇન્સમાં રહી છે. દરમિયાન એક વાતચીતમાં સુષ્મિતા સેને જણાવ્યું કે કેવી રીતે તેની લવ લાઈફ હંમેશા એક ખુલ્લી કિતાબ જેવી રહી છે. અભિનેત્રીએ કહ્યું, 'મારું જીવન ચોક્કસપણે એક ખુલ્લું પુસ્તક છે કારણ કે મેં તેને ખૂબ જ પ્રામાણિકતાથી અને ક્યારેક નિર્ભયતાથી જીવ્યું છે. તેથી, તમે જે પણ નિર્ણયો લો, પછી ભલે તેઓ તમને નુકસાન પહોંચાડે, પછી ભલે તેઓ તમને દગો આપે અથવા તમે ખોટા હો, તેનાથી કોઈ ફરક પડતો નથી.'

જ્યારે અભિનેત્રીને પૂછવામાં આવ્યું કે શું તે લગ્ન પછી તેના એકસ સાથે મિત્રતા રાખશે? તો તેણે કહ્યું, 'ચોક્કસપણે.' ઘણા લોકો તેમના એકસ સાથે મિત્રો હોઈ શકે છે અને તેઓ જાણતા નથી કે રેખા ક્યાં દોરવી અથવા સીમાઓ સેટ કરવી. પરંતુ તે શક્ય છે કારણ કે મેં તે થતું જોયું છે અને મારા જીવનમાં પણ તે મેળવીને હું ધન્ય છું.

લગ્ન કરવાના સવાલ પર અભિનેત્રીએ કહ્યું કે તે ચોક્કસ લગ્ન કરશે. તેણે કહ્યું, 'આ ક્યારેય 'ક્યારેય નહીં' જેવી પરિસ્થિતિ નહતી. બાયોલોજિકલ ક્લોક હોય કે સમાજના નિયમો, લગ્ન કરવા માટે આ ક્યારેય યોગ્ય કારણ નથી. જ્યાં સુધી મારી વાત છે, જો મારી સામેનો વ્યક્તિ સાચો હશે અને મારા તમામ માપદંડોને પૂર્ણ કરશે તો હું ચોક્કસ લગ્ન કરીશ.

જો સુષ્મિતા સેનના અંગત જીવન વિશે વાત કરીએ તો અભિનેત્રી રોહમન સાથેના સંબંધોને લઈને ઘણા સમયથી ચર્ચામાં છે. આ દંપતીએ 2018 માં ડેટિંગ કરવાનું શરૂ કર્યું અને બંનેએ 2021 માં એક ઇન્સ્ટાગ્રામ પોસ્ટમાં તેમના બ્રેકઅપની જાહેરાત કરી. જોકે એ બાદ ફરી તેઓ સાથે જોવા મળી રહ્યા છે.