ટેલિગ્રામના સીઇઓ પાવેલ દુરોવે તેઓ 100થી વધુ જૈવિક બાળકોના પિતા છે તેવું જાહેર કયર્નિા એક દિવસ પછી ટેસ્લાના સીઇઓ એલોન મસ્કની પોસ્ટ સોશિયલ મીડિયા પર વાયરલ થઈ છે. આ ખુલાસો એક્સ પર ઓટિઝમ કેપિટલ એકાઉન્ટ દ્વારા પોસ્ટ કરવામાં આવ્યો હતો. પોસ્ટમાં દુરોવ 1000 બાળકોના પિતા હોવાની રેસમાં હોવાની મજાક કરવામાં આવી હતી! મસ્કે રમૂજી ટિપ્પણી સાથે જવાબ આપ્યો અને ચંગીઝ ખાનનું નામ લીધું હતું અને કહ્યું હતું કે મોંગોલ યોદ્ધા ચંગીઝ ખાનને અસંખ્ય બાળકો હતા, તેમની ચોક્કસ સંખ્યા અજાણ છે.
ટેલિગ્રામના કો-ફાઉન્ડર અને સીઈઓ પાવેલ દુરોવે એક ચોંકાવનારો ખુલાસો કર્યો હતો. દુરોવે કહ્યું હતું કે 12 દેશોમાં તેના 100 જૈવિક બાળકો છે. ટેસ્લાના સીઈઓ એલોન મસ્ક પણ દુરોવના આ ઘટસ્ફોટથી આશ્ચર્યચકિત થઈ ગયા અને તેમની પ્રતિક્રિયા આપી જે સોશિયલ મીડિયા પર વાયરલ થઈ રહી છે. હકીકતમાં, એક ટેલિગ્રામ પોસ્ટમાં, પાવેલે સ્પર્મ ડોનેશન દ્વારા પિતા બનવાની તેની સફર વિશે જણાવ્યું, જે તેણે 15 વર્ષ પહેલા પસંદ કરી હતી. તેણે 12 દેશોમાં 100થી વધુ બાળકોના પિતા હોવાનો દાવો કર્યો હતો. આ આશ્ચર્યજનક સમાચાર પર વિવિધ પ્રતિક્રિયાઓ આવી હતી.