હૈદરાબાદના બંજારા હિલ્સમાં એક દુકાનમાં રાખવામાં આવેલા એક અનોખા લાલ રંગના મશરૂમએ લોકોના મન મોહી લીધા છે. સોશિયલ મીડિયા પર એક વીડિયો ઝડપથી વાયરલ થઈ રહ્યો છે. આ વીડિયોમાં એક લાલ રંગનું મોટું મશરૂમ દેખાય છે. મશરૂમનું વજન 5.5 થી 6 કિલો છે. તેનું વજન જ નહીં પણ તેની કિંમત પણ ઘણી વધારે છે. આ મશરૂમની કિંમત 5 લાખ રૂપિયા છે.

આ અદ્ભુત મશરૂમનું વજન અને કિંમત સાંભળ્યા પછી લોકોના મનમાં સૌથી મોટો પ્રશ્ન એ છે કે આ મશરૂમની કિંમત આટલી વધારે કેમ છે? રીશી મશરૂમનો ઉપયોગ 2,000 વર્ષથી વધુ સમયથી પરંપરાગત એશિયન દવામાં કરવામાં આવે છે. તેને ‘અમરત્વના મશરૂમ’ તરીકે પણ ઓળખવામાં આવે છે. આ ખાસ મશરૂમ તેના તેજસ્વી લાલ રંગ અને સુંવાળી, મીણ જેવી સપાટી માટે અલગ પાડે છે પરંતુ તેની વાસ્તવિક ઓળખ તેના ઔષધીય ગુણધર્મોને કારણે છે, જે તેને અત્યંત દુર્લભ અને ખર્ચાળ બનાવે છે.

રીશી મશરૂમમાં ઘણા બાયોએક્ટિવ સંયોજનો હોય છે, જેમાં બીટા-ગ્લુકન અને ટ્રાઇટરપેનોઇડ્સનો સમાવેશ થાય છે. આ સંયોજનો તેને અત્યંત ફાયદાકારક બનાવે છે. જે આપણા શરીર માટે ફાયદાકારક છે. તે રોગપ્રતિકારક શક્તિને મજબૂત બનાવે છે. રીશી મશરૂમ શ્વેત રક્તકણોને સક્રિય કરીને ઈમ્યુન સિસ્ટમને મજબૂત બનાવવામાં મદદ કરે છે. આ શરીરને ચેપ અને રોગો સામે લડવા માટે સક્ષમ બનાવે છે.સાથે જ એન્ટીઑકિસડન્ટોથી ભરપૂર રિશી મશરૂમ તણાવ ઘટાડવા માટે, ઊંઘની ગુણવત્તા સુધારવા અને હૃદયના સ્વાસ્થ્ય માટે ફાયદાકારક છે.