પેરોલ જમ્પ કરનાર શખ્સ પેરોલ ફર્લો સ્કવોડના સકંજામાં : સાબરમતી જેલ મોકલી આપ્યો

જામનગર પેરોલ ફર્લો સ્કોડે મુંગણી ગામમાં હત્યા કેસના એક આરોપીને બાતમીના આધારે પકડી પાડી સાબરમતી મઘ્યસ્થ જેલ ખાતે સોપી આપ્યો છે.

જામનગર જીલ્લા પોલીસવડા પ્રેમસુખ ડેલુએ નાસતા ફરતા આરોપીઓ પેરોલ જમ્પ કેદીઓને શોધી કાઢવા સુચના કરતા એલસીબી પીઆઇ વી.એમ. લગારીયાના માર્ગદર્શન મુજબ સ્કવોડના પીએસઆઇ વાય.બી. રાણા, સ્ટાફના માણસો સાથે ટેકીનીકલ સેલ તથા હ્યુમન રીસોર્સનો ઉપયોગ કરી પેરોલ ફર્લો નાસતા ફરતા ગુનેગારોને પકડી પાડવા અંગે જરી વર્કઆઉટમાં હતા.

દરમ્યાન સ્ટાફના ગોવિંદભાઇ ભરવાડ, સલીમભાઇ નોયડા, હાદિકભાઇ ભટ્ટ, ભરતભાઇ ડાંગર તથા દિવ્યરાજસિંહ જાડેજાને સંયુકત બાતમીદારોથી હકીકમ મળેલ કે અમદાવાદ જીલ્લાના બાવળા પોીસ સ્ટેશનના કલમ 302, 34 તથા જીપેએક 135(1)ના ગુનાના કામે અમદાવાદ મઘ્યસ્થ જેલના કાચા કામના આરોપી બાબુ દેવરાજ દેવીપુજક રહે. કાચા છાપરામા આજી ડેમ પાસે, રાજકોટવાળો દિન 10 માટે 5000ના પર્સનલ બોન્ડ પર  વચગાળાના જામીન પર જેલમુકત કરવામાં આવેલ તેમજ જામીનની મુદત પુરી થતા આરોપીને તા. 27-7-24ના જેલ ખાતે હાજર થવાન હોય પરંતુ કેદી જેલ ખાતે પરત ફરેલ નહી જેથી ફરાર રહેલ કેદીની તપાસ કરતા કેદી જામનગરના મુંગણી ગામે મોટા તળાવ પાસે હાજર હોય તેવી હકીકત આધારે પકડી પાડી કેદીને પરત સાબરમતી મઘ્યસ્થ જેલ ખાતે સોપી આપ્યો હતો.