રાજકોટ મહાપલિાકાની સોલીડ વેસ્ટ મેનેજમેન્ટ શાખાની વોર્ડ નં.૬ની ટીમ દ્રારા આજે ભાવનગર રોડ વિસ્તારમાંથી પ્લાસ્ટિક ભરેલી છકડો રીક્ષા જ કરવામાં આવી હતી અને તપાસ કરતા તેમાં ૮૭૫ કિલો જેટલા પાન–ફાકી બાંધવાના વપરાશમાં લેવામાં આવતા સિંગલ યુઝ કેટેગરીના પ્લાસ્ટિક પાન પીસ તેમજ ઝબલા સહિતનો જથ્થો મળ્યો હતો જે જ કરવામાં આવ્યો હતો.
વિશેષમાં સુત્રોએ જણાવ્યું હતું કે, ઇસ્ટ ઝોન કચેરીની વોર્ડ નં.૬ની ટીમ દ્રારા ઉપરોકત કાર્યવાહી હાથ ધરવામાં આવી હતી અને આ જથ્થો નવાગામ વિસ્તારમાંથી રાજકોટ શહેરમાં લાવવામાં આવ્યો હતો અને વિતરણ કરવામાં આવનાર હતો તેમજ આ જથ્થાના માલીક પીયુષભાઇ ખત્રી હોવાનું સામે આવ્યું હતું. બનાવ અંગે ઇસ્ટ ઝોનના ડેપ્યુટી ઇજનેરને જાણ કરવામાં આવી હતી. ઉપરોકત કાર્યવાહી બાદ  રૂા.૧૦ હજારના દંડની વસુલાત કરવામાં આવી હતી.
રાજકોટ શહેરમાં છેલ્લ ા ઘણા સમયથી દુકાનોમાંથી પ્લાસ્ટિક ઝબલા જ કરવાની કાર્યવાહી ચાલી રહી હોય નાના વેપારીઓમાં એવા મતલબનો રોષ હતો કે હોલસેલર વેપારીઓ અથવા તો ઉત્પાદકો સામે કાર્યવાહી થતી નથી જેના પરિણામે તાજેતરમાં મળેલી ચોકકસ બાતમીના પગલે ઉપરોકત કાર્યવાહી હાથ ધરાયાનું જાણવા મળે છે