ખરાબ જીવનશૈલી અને વધતા વજનના કારણે મોટાભાગના લોકો પરેશાન રહે છે. પોતાને ફિટ રાખવા માટે, તેઓ સવારે વહેલા ઉઠવાથી શરૂ કરે છે અને જીમમાં વિવિધ કસરતો કરે છે. એવા ઘણા લોકો છે જેઓ પોતાનું વજન ઘટાડવા માટે ખાસ ડાયટ ફોલો કરે છે પરંતુ વધારે મહેનત કર્યા વિના ઘરે બેઠા પણ વજન ઘટાડી શકાય છે.

ન્યુટ્રિશનિસ્ટ કહે છે કે વજન ઘટાડવા માટે, વધતા વજનને મગની દાળથી પણ નિયંત્રિત કરી શકાય છે. મલ્ટિવિટામિન્સથી ભરપૂર આ દાળમાં ફાઈબર પણ હોય છે, જે વજન ઘટાડવામાં મદદ કરે છે. આનાથી વારંવાર લાગતી ભૂખને નિયંત્રિત કરી શકાય છે અને વજન ઘટાડવામાં પણ ખૂબ ફાયદાકારક છે. જાણો વજન ઘટાડવા માટે ડાયટમાં મગની દાળનો સમાવેશ કેવી રીતે કરવો.

મગ દાળ ચિલ્લા

નિષ્ણાતો કહે છે કે જે લોકો વજન ઘટાડવા માંગે છે તેઓ તેમના નાસ્તામાં મગની દાળના ચીલાને સામેલ કરી શકે છે. તેને બનાવવા માટે દાળને આખી રાત પાણીમાં પલાળી રાખો. આ પછી સવારે તેને પીસીને પેસ્ટ બનાવી લો. જો ઈચ્છો તો તેમાં કેટલાક શાકભાજી પણ સામેલ કરી શકો છો. આ ચીલાને તવા પર સરળતાથી તૈયાર કરી શકાય છે.

મગની દાળ સ્પ્રાઉટ્સ

સ્પ્રાઉટ્સ ખાવા પણ ખૂબ જ સ્વાસ્થ્યપ્રદ માનવામાં આવે છે. દરરોજ સવારે મગની દાળના સ્પ્રાઉટ્સ પણ ખાઈ શકો છો. તે ફાઈબરથી ભરપૂર હોય છે અને તેને ખાવાથી પેટ લાંબા સમય સુધી ભરેલું રહેશે અને પૂરતું પોષણ મળશે. જે વજન ઘટાડવામાં મદદ કરશે.

મગની દાળની ખીચડી

આ સિવાય મગની દાળની ખીચડી પણ ખાઈ શકો છો. તે વિટામિન્સ અને મિનરલ્સથી ભરપૂર છે, જે પચવામાં ખૂબ જ સરળ છે. જો વજન ઘટાડવાનું ઈચ્છો છો, તો આહારમાં મગની દાળની ખીચડીને અવશ્ય સામેલ કરો. આ સિવાય સૂપ પણ પી શકો છો. તે પણ વજન ઘટાડવામાં મદદ કરે છે.