પંજાબના મોહાલીમાં ગઈકાલે એક બહુમાળી ઈમારત ધરાશાયી થતાં 22 વર્ષીય યુવતીનું મોત થયું હતું. મળતી માહિતી મુજબ ઇજાના કારણે યુવતીનું મોત થયું હતું. મૃતકની ઓળખ હિમાચલ પ્રદેશના થિયોગના રહેવાસી સ્વર્ગસ્થ ભગત વર્માની પુત્રી દ્રષ્ટિ વર્મા (20) તરીકે થઈ છે.
બિલ્ડિંગ ધરાશાયી થયા બાદ, યુવતીને ગંભીર હાલતમાં નેશનલ ડિઝાસ્ટર મેનેજમેન્ટ ફોર્સ (NDRF) દ્વારા કાટમાળમાંથી બચાવી લેવામાં આવી હતી અને સોહાના હોસ્પિટલમાં લઈ જવામાં આવી હતી. જ્યાં તેનું મોત નિપજ્યું હતું. હજુ પણ ઘણા લોકો કાટમાળ નીચે ફસાયેલા હોવાની આશંકા છે.
જીમમાં ગયેલા એક યુવકનું મોત થયું
પ્રાપ્ત માહિતી અનુસાર, આજે સવારે પણ એક યુવકનો મૃતદેહ કાટમાળમાંથી બહાર કાઢવામાં આવ્યો હતો. યુવકની ઓળખ અભિષેક (30 વર્ષ) તરીકે થઈ હતી. કહેવામાં આવી રહ્યું છે કે તે બિલ્ડિંગમાં જિમ માટે ગયો હતો.
અભિષેક જીરકપુરની એક સોફ્ટવેર કંપનીમાં કામ કરતો હતો. તેમની પત્ની કોમલ શિક્ષિકા છે. બંને સોહાણા ગામમાં ભાડાના મકાનમાં રહેતા હતા. બંનેના લગ્ન દોઢ વર્ષ પહેલા જ થયા હતા.
સીએમ માને આ ઘટના પર શોક વ્યક્ત કર્યો
આ પહેલા પંજાબના મુખ્યમંત્રી ભગવંત માને આ ઘટના પર શોક વ્યક્ત કર્યો હતો અને કહ્યું હતું કે સમગ્ર પ્રશાસન અને બચાવ ટીમ ઘટનાસ્થળે તૈનાત છે. સીએમ માને કહ્યું કે આ નિર્માણાધીન ઈમારત ધરાશાયી થવાના દોષિતો સામે કાર્યવાહી કરવામાં આવશે. તેમણે એમ પણ કહ્યું કે તેઓ વહીવટીતંત્રના સતત સંપર્કમાં છે.
બિલ્ડિંગના માલિકો વિરુદ્ધ FIR નોંધવામાં આવી
ડીએસપી હરસિમરન સિંહે જણાવ્યું હતું કે ઇમારત ધરાશાયી થવાના કારણે કાટમાળ નીચે ફસાયેલા લોકોને બહાર કાઢવાની પ્રક્રિયા ચાલી રહી છે. અમે બિલ્ડિંગના માલિકો વિરુદ્ધ FIR નોંધી છે.
ઘટના સમયે લોકો જીમમાં કસરત કરી રહ્યા હતા
કહેવામાં આવી રહ્યું છે કે બિલ્ડિંગના પહેલા અને બીજા માળે પીજી હતા અને ત્રીજા માળે એક જિમ ચાલી રહ્યું હતું. મકાન રહેણાંક હોવાનું કહેવાય છે. રહેણાંક મકાનમાં ગેરકાયદેસર રીતે જીમ અને પીજીનું કામ ચાલી રહ્યું હતું. મળતી માહિતી મુજબ, બિલ્ડિંગના ભોંયરામાં ખોદકામ ચાલી રહ્યું હતું જેના કારણે આ દુર્ઘટના થઈ.
આશંકા છે કે દુર્ઘટના સમયે ઘણા લોકો જીમની અંદર હતા. સુત્રો પાસેથી મળતી માહિતી મુજબ અકસ્માત થયો ત્યારે જીમ ખુલ્લું હતું. તેમાં ઘણા લોકો કસરત કરતા હતા.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકેશોદ-મુંબઈ વિમાની સેવા બંધ થતાં વેપારીઓ અને પર્યટન ક્ષેત્રને ફટકો, પુનઃ શરૂ કરવાની માગ
April 03, 2025 09:09 PMઅમેરિકામાં તોફાનથી ભયંકર તબાહી, લાખો ઘરોની વીજળી ગુલ, પૂર આવવાનો પણ ખતરો
April 03, 2025 09:07 PMલંડનથી મુંબઈ આવી રહેલી ફ્લાઈટ ટર્કી પહોંચી, 200થી વધુ ભારતીયો 15 કલાકથી ફસાયા, જાણો શું છે કારણ
April 03, 2025 09:05 PM4 એપ્રિલની ગાંધીધામ-પાલનપુર-ગાંધીધામ એક્સપ્રેસ આંશિક રીતે રદ રહેશે
April 03, 2025 09:02 PMCopyright © 2023-2024 Aajkaal Daily
Developed by Rhythm Infotech