ખંભાળિયામાં આશાપુરા માતાજીના મંદિર પાસે રહેતા દિવ્યભાઈ નિલેશભાઈ જોશી નામના ૨૪ વર્ષના બ્રાહ્મણ યુવાન તેમની જી.જે. ૩૭ જે. ૭૫૮૫ નંબરની મોટરકાર લઈને દ્વારકાથી ખંભાળિયા તરફ આવી રહ્યા હતા, ત્યારે કલ્યાણપુરથી આશરે ૪૦ કિલોમીટર દૂર હાબરડી ગામના પાટીયા પાસે પૂરઝડપે અને બેફિકરાઈપૂર્વક આવી રહેલા જી.જે. ૩૭ ટી. ૯૦૫૫ નંબરના એક ટ્રકના ચાલકે દિવ્યભાઈ જોશીની મોટરકાર સાથે અકસ્માત સર્જતા આ મોટરકારમાં વ્યાપક નુકસાની થવા પામી હતી. અકસ્માત સર્જી, આરોપી ટ્રક ચાલક નાસી છૂટ્યો હોવાનું જાહેર થયું છે. જે અંગે કલ્યાણપુર પોલીસ મથકમાં જુદી જુદી કલમ હેઠળ ગુનો નોંધવામાં આવ્યો છે.
***
મોરકંડા પાટીયા પાસે ક્રેટા ગાડીએ ઠોકર મારતા એકસેસ ચાલકને ફ્રેકચર
જામનગર-રાજકોટ હાઇવે મોરકંડાના પાટીયા પાસે છ દિવસ પહેલા ક્રેટા ગાડીના ચાલકે એકસેસ બાઇકને ઠોકર મારી અકસ્માત સર્જયો હતો જેમાં એકસેસ ચાલકને ફ્રેકચર સહિતની ઇજા પહોચાડી હતી.
જામનગરના મોરકંડા પુ‚ષાર્થ પાર્ક ખાતે રહેતા કોન્ટ્રાકટર પ્રવિણ મઘાભાઇ વાઘેલા (ઉ.વ.૫૦)એ ગઇકાલે પંચ-બીમાં ક્રેટા ગાડી નં. જીજે૧૦ડીએ-૯૭૪૬ના ચાલક સામે ફરીયાદ કરી હતી.
ગત તા. ૨૧ના રોજ મોરકંડા ગામના પાટીયા પાસે ક્રેટા ગાડીના ચાલકે પુરઝડપે અને બેફીકરાઇથી ચલાવીને ફરીયાદીના ભાઇ ગોવિંદભાઇ એકસેસ ગાડી નં. જીજે૨૭સીડી-૧૯૧૬ લઇને રોડ ક્રોસ કરતા હતા ત્યારે સાઇડમાંથી ઠોકર મારી હતી, આ અકસ્માતમાં ફરીયાદીના ભાઇને પાંસડી અને પગમાં ફ્રેકચર જેવી ઇજાઓ પહોચાડી હતી. ફરીયાદના આધારે પોલીસે આગળની કાર્યવાહી હાથ ધરી છે અને ઇજાગ્રસ્તને સારવાર માટે હોસ્પીટલમાં ખસેડવામાં આવેલ છે.