મોરબીના ઉંચી માંડલ નીચી માંડલ વચ્ચે કારએ મોટરસાઇકલને ઉલાળતા આધેડનું ગંભીર ઇજા થવાથી મોત નીપયું હતું. અકસ્માત સર્જી કાર ચાલક કાર મૂકી નાશી છૂટો હતો. આધેડ ઘુંટુ નજીક હોટેલથી નોકરી પુરી કરી પોતાની હોટેલએ જતા હતા ત્યારે અકસ્માત નડો હતો.બનાવના પગલે મોરબી તાલુકા પોલીસે કાર્યવાહી કરી છે.
બનાવની પ્રા વિગત મુજબ ઉંચી માંડલ ગામે ચામુંડા હોટેલ ધરાવતા અને ત્યાં જ રહેતા પ્રવીણભાઈ નાથાભાઈ કાલીયા (ઉ.વ.૫૫) નામના આધેડ રાત્રીના દશેક વાગ્યે મોટર સાઇકલ લઈ જતા હતા ત્યારે ઘુંટુથી આગળ નેકશન સીરામીકથી આગળ પહોંચતા રોંગ સાઈડમાં પુરપાટ ઝડપે આવતી જીજે–૩૬– એએફ ૨૨૦૬ નંબરની સ્વીટ કારના ચાલકે મોટરસાઈકને અડફેટે લેતા રોડ પર ફંગોળાયા હતા. આધેડને માથાના ભાગે ગંભીર ઇજા થતા તાત્કાલિક રાજકોટ સિવિલ હોસ્પિટલએ ખસેડવા આવ્યા હતા પરંતુ જીવ બચી શકયો ન હતો. બનાવ અંગે હોસ્પિટલ ચોકીના સ્ટાફે મોરબી તાલુકા પોલીસને જાણ કરી હતી.
મૃત્યુ પામનાર પ્રવીણભાઈ ચાર ભાઈ બે બહેનમાં નાના હતા અને સંતાનમાં બે દીકરા એક દીકરી છે. આધેડ ઘુંટુ નજીક આવેલી પાર્થ હોટેલમાં નોકરી કરતા હતા અને રાત્રે નોકરી પુરી કરી પોતાની હોટેલ એ જતા હતા ત્યારે આ બનાવ બન્યો હતો. બનાવથી પરિવારમાં કલ્પાંત સર્જાયો છે. પોલીસે કારના નંબરના આધારે ચાલકની શોધખોળ હાથ ધરી છે