મેટાના સીઈઓ માર્ક ઝુકરબર્ગે તાજેતરના પોડકાસ્ટમાં જણાવ્યું હતું કે, 2024નું વર્ષ વિશ્વ માટે ઉથલપાથલથી ભરેલું હતું અને કોવિડ પછી યોજાયેલી ચૂંટણીઓમાં ભારત સહિત ઘણા દેશોની સરકારો પડી ગઈ હતી. આ નિવેદનથી રાજકીય વર્તુળોમાં ખળભળાટ મચી ગયો હતો. કારણ કે આ દાવો હકિકતમાં ખોટો હતો.

આ મુદ્દે, મેટા ઇન્ડિયાના વાઇસ પ્રેસિડેન્ટ શિવનાથ ઠુકરાલે માર્ક ઝુકરબર્ગ દ્વારા આપવામાં આવેલા નિવેદન બદલ માફી માંગી છે. તેમણે ટ્વીટ કર્યું કે, ભારત મેટા માટે અતિ મહત્વપૂર્ણ દેશ છે. આ અજાણતા થયેલી ભૂલ માટે અમે માફી માંગીએ છીએ.

નિશિકાંત દુબેનો પ્રતિભાવ
ભાજપના સાંસદ નિશિકાંત દુબે, જે આઇટી સંસદીય પેનલના વડા છે. તેમણે મેટા ઇન્ડિયાની માફીને ભારતના સામાન્ય નાગરિકોની જીત ગણાવી. તેમણે કહ્યું કે, આ માફી ભારતીય સંસદ અને સરકારમાં જનતાના વિશ્વાસની પુષ્ટિ છે. દુબેએ વધુમાં જણાવ્યું હતું કે, ભવિષ્યમાં સોશિયલ મીડિયા પ્લેટફોર્મને અન્ય બાબતો પર પણ સમન્સ પાઠવવામાં આવશે.

As the world’s largest democracy, India conducted the 2024 elections with over 640 million voters. People of India reaffirmed their trust in NDA led by PM @narendramodi Ji’s leadership.

Mr. Zuckerberg’s claim that most incumbent governments, including India in 2024 elections,…

— Ashwini Vaishnaw (@AshwiniVaishnaw) January 13, 2025