છેલ્લી એક સદીમાં, પુરુષોની ઊંચાઈ અને વજન સ્ત્રીઓ કરતાં વધુ ઝડપથી વધ્યું છે. વિશ્વના ઘણા દેશોના ડેટા વિશ્લેષણ દ્વારા તાજેતરમાં આ વાત બહાર આવી છે. બાયોલોજી લેટર્સ જર્નલમાં પ્રકાશિત થયેલા એક અભ્યાસ મુજબ, છેલ્લી સદીમાં સ્ત્રીઓની સરેરાશ ઊંચાઈ 159 થી 162 સેન્ટિમીટર સુધી 1.9 ટકા વધી છે. જ્યારે પુરુષોની સરેરાશ ઊંચાઈ 170 થી 177 સેન્ટિમીટર સુધી 4 ટકા વધી છે. સંશોધનમાં કહેવામાં આવ્યું છે કે 1905 ના ડેટા અનુસાર, તે સમયે એક ચતુર્થાંશ સ્ત્રીઓ પુરુષો કરતાં ઊંચી હતી પરંતુ 1958 સુધીમાં આ સંખ્યા ઘટીને આઠમા ભાગની થઈ ગઈ હતી.
મિનેસોટા યુનિવર્સિટીના પ્રોફેસર માઈકલ વિલ્સને જણાવ્યું હતું કે આ ફેરફાર એ વિચારને સમર્થન આપે છે કે સ્ત્રીઓ પ્રજનનને કારણે વધુ ઇકોસિસ્ટમ પર આધારિત છે, કારણ કે ગભર્વિસ્થા અને બાળ ઉછેર માટે વધુ શારીરિક ઉર્જા વપરાશની જરૂર પડે છે. તે જ સમયે પુરુષોમાં ઊંચાઈ અને વજનમાં ઝડપી વધારો થવાનું કારણ સારી પોષણની સ્થિતિ હોય શકે છે. સંશોધન દરમિયાન, વિશ્વ આરોગ્ય સંગઠન (ડબ્લ્યુએચઓ), વિદેશી અધિકારીઓ અને બ્રિટન દ્વારા પૂરા પાડવામાં આવેલા ડેટાનો ઉપયોગ કરવામાં આવ્યો હતો.
સંશોધનમાં જાણવા મળ્યું છે કે જ્યારે જીવન ધોરણની સ્થિતિ સારી હોય છે ત્યારે પુરુષોની ઊંચાઈ અને વજન વધુ ઝડપથી વધે છે. જ્યારે માનવ વિકાસ સૂચકાંક (એચડીઆઈ) 0.2 પોઈન્ટ વધે છે, ત્યારે સ્ત્રીઓની ઊંચાઈ સરેરાશ 1.7 સેમી અને વજન 2.7 કિલો વધે છે અને પુરુષોની ઊંચાઈ 4 સેમી અને વજન 6.5 કિલો વધે છે. જેમ જેમ જીવનધોરણ સુધરે છે તેમ તેમ પુરુષોનો શારીરિક વિકાસ સ્ત્રીઓ કરતાં વધુ ઝડપથી થાય છે.