ગોંડલમાં સાંઢિયા પુલપાસે વૃંદાવન-3માં રહેતા શિવાનીબેન અંકિતભાઈ પરમાર નામના મહિલાએ ગોંડલ પોલીસ મથકમાં વિજય મકવાણા અને તેના ભાઈ મૌલિક મકવાણા સામે ફરિયાદ નોંધાવી છે, ફરિયાદમાં જણાવ્યું છે કે, બે દિવસ પહેલા બધા ઘરે હતા ત્યારે વિજય મકવાણા ઘરમાં ઘુસી આવ્યો હતો અને ક્યાં છે તારો પતિ ? બોલાવ મારે તેની સાથે વાત કરવી છે કહી દેકારો કરતા પતિ અને દિયર વિવેકભાઈ બહાર આવતા વિજય ગાળો બોલતો હોય તેને ગાળો બોલવાની ના પાડતા વધુ ઉશ્કેરાયો હતો અને ઝપાઝપી કરી હતી એટલામાં તેનો ભાઈ મૌલિક પણ આવી ગયો હતો અને તે પણ ધમકાવવા લાગ્યો હતો. ઘરમાથી બહાર નીકળવાનું કહેતા બહાર નીકળતો નહતો અને વિજયએ મારો હાથ પકડી મચકોડયો હતો. દિયરે 100 નંબરમાં ફોન કરી પોલીસને બોલવતા વિજય કહેવા લાગ્યો હતો કે, પોલીસ મારું કાંઈ નહીં બગાડી લ્યે, તારે જેને ફોન કરવો હોય એને કરી લે બાદમાં તેને ઘરમાંથી બહાર કાઢ્યા હતા.

પોલીસે મહિલાની ફરિયાદ પરથી બંધુઓ સામે ગુનો નોંધી વધુ તપાસ હાથ ધરી છે.