તાજેતરમાં શરૂ થયેલી બોર્ડની પરીક્ષા દરમિયાન મ્યુનિ. હાઈસ્કૂલના પરિક્ષાર્થીઓને મેયર અને મ્યુનિસિપલ કમિશનરએ રૂબરૂ ઉપસ્થિત રહી શુભેચ્છા પાઠવી હતી.ધોરણ-૧૦ અને ધોરણ-૧૨ની બોર્ડની પરીક્ષામાં વિદ્યાર્થીઓ ખૂબ સકારાત્મક અભિગમ સાથે ઉજ્જવળ કારકિર્દી બનાવે તેવા ઉમદા આશય સાથે બોર્ડની પરીક્ષા આપતા વિદ્યાર્થીઓનો જુસ્સો વધારવા શ્રીમતી સરોજીની નાયડુ ગર્લ્સ હાઈસ્કુલ ખાતે રાજકોટ મહાનગરપાલિકાના મેયર શ્રીમતી નયનાબેન પેઢડીયા, મ્યુનિસિપલ કમિશનર તુષાર સુમેરા, માધ્યમિક અને આનુષાંગિક શિક્ષણ સમિતિ ચેરમેન રસીલાબેન સાકરીયા, સમાજ કલ્યાણ સમિતિ ચેરમેન સુરેન્દ્રસિંહ વાળા, હાઉસિંગ ઈમ્પ્રુવમેન્ટ અને ક્લીયરન્સ સમિતિ ચેરમેન નીતિનભાઈ રામાણી, બાગબગીચા સમિતિ ચેરમેન સોનલબેન સેલારા, કોર્પોરેટર જયાબેન ડાંગર ઉપસ્થિત રહી વિધાર્થીઓને મોં મીઠા કરાવી શુભેચ્છાઓ અને અભિનંદન પાઠવ્યા હતા.

વિશેષમાં જણાવ્યું હતું કે, પરીણામએ પરીશ્રમ ઉપર આધારીત છે એટલે ખુબ મહેનત કરો, પરીક્ષામાં આત્મવિશ્વાસ જરૂરી હોય છે, આત્મવિશ્વાસથી પેપર લખો અને જ્વલંત સફળતાઓ મેળવો તેવી શુભેચ્છા અને અભિનંદન પાઠવેલ છે. આ તકે શ્રીમતી સરોજીની નાયડુ ગર્લ્સ હાઇસ્કુલના પ્રિન્સીપાલ સહિત શિક્ષકો પણ જોડાયા હતા.