મૂળ વાંકાનેરના રાતીદેવળીના વતની અને હાલ રાજકોટમાં શાસ્ત્રી મેદાન પાસે ફૂટપાથ પર રહેતા રાહુલ ઉર્ફે ટકો નામના શખસ વિરૂધ્ધ ક્રાઇમ બ્રાંચે પાસાની દરખાસ્ત તૈયાર કરી પોલીસ કમિશરને મોકલતા કમિશનર બ્રજેશ કુમાર ઝાએ દરખાસ્ત પર મંજુરીની મહોર લગાવી આરોપી સામે પાસાનું વોરંટ ઇશ્યુ કર્યું હતું. જેથી ક્રાઇમ બ્રાંચની ટીમે આરોપી રાહુલ ઉર્ફે ટકો અશોકભાઇ વિકાણી(ઉ.વ ૨૩) ની પાસા હેઠળ અટકાયત કરી તેને વડોદરા જેલ હવાલે કરી દીધો હતો.

આરોપી રાહુલ ઉર્ફે ટકા સામે રાજકોટના માલવીયાનગર, બી ડિવિઝન, ભકતિનગર, એ ડિવિઝન, તાલુકા પોલીસ સ્ટેશન,થોરાળા અને વાંકાનેર તાલુકા પોલીસ સ્ટેશનમાં મળી વાહન ચોરી અને ઘરફોડ ચોરી સહિતના ૧૪ ગુના નોંધાઇ ચૂકયા છે.