મહુવા શહેરમાંથી એલસીબીએ જાહેરમાં વરલી-મટકાના આંકડાનો જુગાર રમતા શખ્સને રોકડ રૂ.૧૪,૬૦૦ના મુદ્દામાલ સાથે ઝડપી લીધો હતો.
 ભાવનગર એલ.સી.બી.ના માણસો મહુવા ટાઉન વિસ્તારમાં પેટ્રોલીંગમાં હતાં.તે દરમિયાન બાતમી મળેલ કે, મહુવા, ડાયમંડનગરમા માહિર અબ્દુલકાદર મોરખ રહે.નવા ઝાંપા, બોરડી, મહુવા. જાહેરમાં પૈસાની આપ-લે કરી વરલી મટકાના આંકડાનો જુગાર રમી-રમાડે છે. જે બાતમી આધારે બાતમીવાળી જગ્યાએ રેઇડ કરી માહિર અબ્દુલકાદર મોરખ (ઉ.વ.૨૫ ધંધો-ડ્રાયવીંગ રહે.નવા ઝાંપા, બોરડી ફળીયા, મહુવા)ને ઝડપી લઈ તેની પાસેથી વરલી મટકાના આંકડા લખેલ સાહિત્ય અને  રોકડ રૂ.૧૪,૬૦૦ મળી કુલ રૂ.૧૪,૬૦૦નો મુદ્દામાલ કબ્જે કર્યો હતો.
આ કામગીરીમાં  પોલીસ ઇન્સ. એ.આર.વાળાના  માર્ગદર્શન હેઠળ સ્ટાફના અશોકભાઇ ડાભી, અરવિંદભાઇ બારૈયા, તરૂણભાઇ નાંદવા અને  પ્રવિણભાઇ ગળચર સહિતના જોડાયા હતા.