પશ્ચિમ બંગાળની મમતા બેનર્જી સરકારને કલકત્તા હાઈકોર્ટ તરફથી મોટો ઝટકો લાગ્યો છે. કલકત્તા હાઈકોર્ટે 2016નો શિક્ષક ભરતી કેસ રદ કર્યો છે. કલકત્તા હાઈકોર્ટે સોમવારે પશ્ચિમ બંગાળ સરકાર દ્વારા સહાયિત શાળાઓમાં રાજ્ય સ્તરીય પસંદગી કસોટી-2016 (SLST) ની પસંદગી પ્રક્રિયાને અમાન્ય જાહેર કરી હતી અને તેના દ્વારા કરવામાં આવેલી તમામ નિમણૂકોને રદ કરવાનો આદેશ આપ્યો હતો.
જસ્ટિસ દેબાંશુ બસાક અને જસ્ટિસ મોહમ્મદ શબ્બર રશીદીની ડિવિઝન બેંચે સેન્ટ્રલ બ્યુરો ઑફ ઇન્વેસ્ટિગેશન (સીબીઆઈ)ને નિમણૂક પ્રક્રિયાની વધુ તપાસ હાથ ધરવા અને ત્રણ મહિનામાં રિપોર્ટ સબમિટ કરવાનો નિર્દેશ આપ્યો છે. બેન્ચે પશ્ચિમ બંગાળ શાળા સેવા આયોગને નવી નિમણૂક પ્રક્રિયા શરૂ કરવાનો પણ નિર્દેશ આપ્યો હતો. 24,640 ખાલી જગ્યાઓ માટે 23 લાખથી વધુ ઉમેદવારોએ 2016 SLST પરીક્ષા આપી હતી.
કેટલાક અરજદારો તરફથી હાજર રહેલા એડવોકેટ ફિરદૌસ શમીમે જણાવ્યું હતું કે આ ખાલી જગ્યાઓ માટે કુલ 25,753 નિમણૂક પત્રો જારી કરવામાં આવ્યા હતા. ડિવિઝન બેન્ચે કેટલાક અપીલકર્તાઓની આદેશ પર સ્ટે મૂકવાની વિનંતીને પણ ફગાવી દીધી હતી. કોર્ટના આદેશ પછી, તેના પરિસરની બહાર રાહ જોઈ રહેલા સેંકડો ઉમેદવારો આનંદથી રડી પડયા હતા. તેમાંથી એકે કહ્યું, “અમે આ દિવસની રાહ જોઈ રહ્યા હતા. રસ્તાઓ પર કરેલી વર્ષોની લડત બાદ આખરે ન્યાય મળ્યો છે.”
કોર્ટના નિર્દેશો પર, હાઈકોર્ટના મુખ્ય ન્યાયાધીશ દ્વારા રચાયેલ ડિવિઝન બેન્ચે ધોરણ ૯,૧૦,૧૧અને ૧૨ અને ગ્રૂપ-C અને ગ્રૂપ-D ના શિક્ષકોને SSC દ્વારા નિમણૂક માટે ઉમેદવારોની પસંદગી સંબંધિત ઘણી અરજીઓ અને અપીલોની સુનાવણી કરીઆ કેસની સુનાવણી 20 માર્ચે પૂર્ણ થઈ હતી અને બેન્ચે ચુકાદો અનામત રાખ્યો હતો.
જસ્ટિસ અભિજિત ગંગોપાધ્યાયની સિંગલ બેન્ચે SLST-2016માં હાજર થયેલા પરંતુ નોકરી ન મેળવનારા કેટલાક ઉમેદવારોની રિટ પિટિશન પર ભરતી પ્રક્રિયામાં કથિત અનિયમિતતા અંગે CBI તપાસનો આદેશ આપ્યો હતો. કોર્ટે અનિયમિતતાઓ મળી આવ્યા બાદ ટીચિંગ અને નોન-ટીચિંગ પોસ્ટ્સમાં ઘણી નોકરીઓ નાબૂદ કરવાનો આદેશ પણ આપ્યો હતો. આ બાબતના સંબંધમાં અરજીઓનો નિકાલ કરતી વખતે, 9 નવેમ્બર, 2023ના રોજ, સુપ્રીમ કોર્ટે કલકત્તા હાઈકોર્ટના મુખ્ય ન્યાયાધીશને SLST-2016 દ્વારા ભરતી પ્રક્રિયા સંબંધિત અરજીઓ અને અપીલોની સુનાવણી માટે એક ડિવિઝન બેંચની રચના કરવા વિનંતી કરી હતી.
સીબીઆઈએ સુપ્રીમ કોર્ટના નિર્દેશો અનુસાર આ કેસની તપાસ પૂર્ણ કરી અને હાઈકોર્ટને રિપોર્ટ સોંપ્યો. કોર્ટે 2016ની ભરતી પ્રક્રિયા દ્વારા પશ્ચિમ બંગાળ સરકાર દ્વારા પ્રાયોજિત અને સહાયિત માધ્યમિક અને ઉચ્ચતર માધ્યમિક શાળાઓમાં ઉમેદવારોની પસંદગીમાં કથિત અનિયમિતતાઓને લગતી અરજીઓ અને અપીલો પર પોતાનો ચુકાદો આપ્યો હતો. સેન્ટ્રલ બ્યુરો ઑફ ઇન્વેસ્ટિગેશન (CBI), જેણે કોર્ટના આદેશ પર કેસની તપાસ કરી હતી, તેણે કથિત કૌભાંડના સંબંધમાં રાજ્યના ભૂતપૂર્વ શિક્ષણ પ્રધાન પાર્થ ચેટર્જી અને પશ્ચિમ બંગાળ શાળા સેવા આયોગ (SSC) માં હોદ્દા ધરાવતા કેટલાક અધિકારીઓની ધરપકડ કરી હતી.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationજામનગરમાં રાહુલ ગાંધીનો વિરોધ કરી રહેલા હિન્દુ સેનાના કાર્યકરોની અટકાયત
July 02, 2024 07:02 PMરાહુલ ગાંધીએ PM મોદીને લખ્યો પત્ર, આવતીકાલે સંસદમાં NEET પર ચર્ચાની કરી માંગ
July 02, 2024 05:40 PMCopyright © 2023-2024 Aajkaal Daily
Developed by Rhythm Infotech