આજે ગુજરાતી ફિલ્મ ઇન્ડસ્ટ્રીના ફેમસ કપલ મલ્હાર ઠાકર અને પૂજા જોશી લગ્નના બંધનમાં બંધાવા જઈ રહ્યા છે. ત્યારે ગઈ રાતે મલ્હાર અને પૂજાની સંગીત સેરેમની યોજાઈ હતી. સંગીત સેરેમનીમાં ગુજરાતી ફિલ્મ ઇન્ડસ્ટ્રીના મોટા ગજાના કલાકારો અને ફિલ્મી સીતારાઓએ હાજરી આપી હતી. તમામ લોકો સંગીતના તાલે ઝૂમ્યા હતા.
મલ્હાર અને પૂજાની સંગીત સેરેમનીમાં ઓસમાન મીર અને આમીર મીરે 'ગુડ નાલ ઇશ્ક મીઠા'થી લઇને 'મોર બની થનગાટ કરે' ગીતોનાં સુર રેલાવ્યા હતા, જેમના તાલે હાજર તમામ મહેમાનોએ મન મૂકીને મજા માણી હતી.
ગઈકાલે દિવસના સમયે મલ્હાર અને પૂજાની હલ્દી સેરેમની પણ રાખવામાં આવી હતી અને એ પછી રંગેચંગે મહેંદી સેરેમની પણ યોજાઈ હતી. જેમાં તમામ નજીકના મિત્રો અને કલાકરો મન મૂકીને મજા માણી હતી. ત્યારે આ પ્રસંગે કરવામાં આવેલું ડેકોરેશન પણ લોકોમાં ચર્ચાનો વિષય રહ્યું હતું.
મલ્હાર અને પૂજાના સંગીતના વીડિયોઝ પણ સોશિયલ મીડિયામાં વાયરલ થયા હતા. જેમાં પૂજા અને મલ્હાર આ વીડિયોમાં ગીત ગાતા ગાતા ડાન્સ કરતા જોવા મળી રહ્યા છે. મલ્હાર અને પૂજા બંને ટ્રેડિશનલ આઉટફીટમાં જોવા મળ્યા હતા. તે બંને પોતાની લગ્નની તમામ રસમને ઓન્જોયમેન્ટ સાથે સેલિબ્રેટ કરી રહ્યા છે.