સોમવારે ઈંગ્લેન્ડના દરિયાકાંઠે ઉત્તર સમુદ્રમાં એક તેલ ટેન્કર અને એક માલવાહક જહાજ વચ્ચે ભયંકર ટક્કર થઈ. આ અકસ્માતમાં 32 લોકોના મોત થયા હતા. બ્રિટનના ગ્રિમ્સબી ઈસ્ટ પોર્ટના વડાએ સત્તાવાર રીતે આ વાતની પુષ્ટિ કરી. બ્રિટિશ ઇમરજન્સી સર્વિસે જણાવ્યું હતું કે અકસ્માત બાદ બંને જહાજોમાં આગ લાગી ગઈ હતી અને મોટા પાયે બચાવ કામગીરી શરૂ કરવામાં આવી હતી.

શિપ-ટ્રેકિંગ સાઇટ ફાઇન્ડરના જણાવ્યા અનુસાર, ૧૮૩ મીટર લાંબુ સ્ટેના ઇમૅક્યુલેટ ઉત્તરપૂર્વીય બ્રિટનમાં ઇમ્મિંગહામ નજીક લંગરાયેલું હતું ત્યારે તે રોટરડેમ તરફ જઈ રહેલા ૧૪૦ મીટર લાંબા સોલોંગ સાથે અથડાયું હતું. યુએસ-ધ્વજવાળું તેલ ટેન્કર એમવી સ્ટેના ઇમક્યુલેટ ગ્રીસથી રવાના થયું હતું.

તે જ સમયે, પોર્ટુગીઝ ધ્વજવાળું કન્ટેનર જહાજ સોલોંગ સ્કોટલેન્ડના ગ્રેન્જમાઉથથી નેધરલેન્ડના રોટરડેમ જઈ રહ્યું હતું. પોર્ટ ઓફ ગ્રિમ્સબી ઈસ્ટના ચીફ એક્ઝિક્યુટિવ માર્ટિન બાયર્સે જણાવ્યું હતું કે વિન્ડકેટ જહાજ પર 13 ઘાયલોને લાવવામાં આવ્યા હતા.