જેતપુર સાડી ઉધોગના દૂષિત પાણી ઉબેણ નદીમાં છોડવામાં આવતા જૂનાગઢના ધારાસભ્ય સંજયભાઈ કોરડીયા એ સંકલન સમિતિની બેઠકમાં કલેકટર ની અધ્યક્ષતામાં જ આંદોલનની ચીમકી ઉચ્ચારી હતી. ધારાસભ્યના જણાવ્યા મુજબ પ્રદૂષણ વિભાગની બેદરકારીના કારણે જૂનાગઢ તાલુકાના ઝાલરસર ગામમાં દૂષિત પાણી પીવાનો વારો આવ્યો છે નદીના પટનું પાણી એટલું ખરાબ છે કે પી પણ શકાતું નથી જેથી આગામી દિવસોમાં આ અંગે કાર્યવાહી નહીં જાય તો આંદોલન કરવાની પણ ચીમકી ઉચ્ચારી હતી.
ધારાસભ્ય સંજયભાઈ કોરડીયા એ પ્રદૂષણ વિભાગના અધિકારીઓ ભ્રષ્ટ્રનીતિના કારણે ગ્રામ્ય વિસ્તારના લોકોને મુશ્કેલી થઈ રહી છે બે વર્ષથી ફરિયાદ કરવામાં આવે છે પરંતુ દૂષિત પાણી અંગે કોઈ પણ કાર્યવાહી થઈ નથી. પાણી દૂષિત થવાથી ખેતીમાં પિયતમાં પણ નુકસાની થઈ રહી છે. રિપોર્ટ માગવામાં આવે છે ત્યારે બિસલેરી નું પાણી સેમ્પલ તરીકે મોકલી આપવામાં આવે છે અને જેથી દૂસિત ન હોવાનો રિપોર્ટ આવતા સરકાર અને વહીવટી તંત્રને ગેરમાર્ગે પ્રદૂષણ વિભાગ દ્રારા દોરવામાં આવે છે. આગામી દિવસોમાં ગ્રામ્ય વિસ્તારના લોકો આંદોલન કરવાની રહે છે ત્યારે તેમાં ધારાસભ્ય સંજયભાઈ કોરડીયા એ પણ જોડાવાની જચીમકી આપી હતી.
ધારાસભ્ય દ્રારા તો તંત્રને ત્યાં સુધી કહી દીધું હતું કે જો પ્રદૂષણ વિભાગના અધિકારીઓ તેના પરિવાર સાથે એક સાહ સુધી જાલણસર ગામેથી પસાર થતી નદીનું પાણી પીવે તો હત્પં ધારાસભ્ય દંડવત કરવા પણ તૈયાર છું. જેથી લોકોના આરોગ્ય સાથે છેડા ન થાય તે માટે યોગ્ય કાર્યવાહી કરવા જણાવ્યું હતું