રાજકોટમાં ગ્રીનલેન્ડ ચોકડી પાસેથી જામનગરના રહેવાસી બે શખસો શાહરૂખ બસીરભાઈ જામ ઉ.વ.૨૫ રહે.ગુલાબનગર સંજરી ચોક શેરી નં.૨ તથા ગુલાબનગર રામવાડી શેરી નં.૪માં રહેતા રાહત્પલ દિપકભાઈ ગોસાઈ ઉ.વ.૨૭ નામની બેલડીને રાજકોટ પોલીસે ૭.૫૦ ગ્રામ એમ.ડી. (મેફેડ્રોન) ડ્રગ સાથે પકડી પાડી બન્નેના રિમાન્ડ મેળવવા તજવીજ હાથ ધરી છે. મુંબઈથી સસ્તામાં ડ્રગ લાવીને જામનગરમાં છૂટક વેચાણ કરતા હોવાનું પોલીસની પ્રાથમિક તપાસમાં બહાર આવ્યું છે.જામનગર જતા બે શખસો મુંબઈ તરફથી ડ્રગ લઈને આવતા હોવાની રાજકોટ સિટી એલસીબી ઝોન–૨ના હરપાલસિંહ જાડેજા તથા જેન્તીગીરી ગોસ્વામીને માહિતી મળી હતી જે આધારે બી–ડિવિઝન પીઆઈ એસ.એમ.જાડેજા, એલસીબી પીએસઆઈ આર.એચ.ઝાલા તથા ટીમે વોચ ગોઠવી હતી. ચોક્કસ માહિતી મુજબ બન્ને શખસો રાજકોટ કુવાડવા રોડ ગ્રીનલેન્ડ ચોકડી પાસે જકાતનાકાની સામે ઉભા હતા અને પોલીસ પહોંચી હતી બન્નેની તલાસી લેતાં રાહત્પલના કબજામાંથી ૭૫૦૦૦ની કિંમનું ૭.૫૦ ગ્રામ મેફેડ્રોન મળી આવ્યું હતું.બેલડીને સકંજામાં લેવાઈ હતી. પોલીસની પ્રાથમિક પૂછતાછમાં ડ્રગ્સનો જથ્થો મુંબઈમાંથી લઈ આવ્યાહ તા. નશાની ટેવ હોય અને ખર્ચ પણ નીકળી શકે તે માટે જામનગરમાં છૂટક ઉંચા ભાવે નસેડીઓને પુડીઓ ડ્રગ વેચતા હતા. શાહરૂખ ડ્રાઈવીંગનું કામ કરે છે જયારે રાહત્પલ ગાડી લે–વેચનું કામકાજ કરતો હોવાનું જાણવા મળે છે. રાહત્પલ અગાઉ પોલીસ ચોપડે ચડી ચૂકયો છે. બન્ને શખસોની એનડીપીએસ એકટ હેઠળ ધરપકડ કરી રિમાન્ડ મેળવવા તજવીજ હાથ ધરાઈ છે. ત્રણ ફોન ૬૧૦૦ રૂપિયા મળી ૧.૦૧ લાખનો મુદ્દામાલ કબજે કરાયો છે