પ્લોટમાં છાપરુ બનાવવાના કામ પરથી અજાણ્યા કળા કરી ગયા

જામનગર નજીક જાંબુડા ગામમાં વંડો વાળેલ પ્લોટમાં છાપરુ બનાવવાનું કામ ચાલુ હોય ત્યાંથી કોઇ અજાણ્યા શખ્સો ત્રણ દિવસ પહેલા સિમેન્ટની ૪૦ થેલીઓની ઉઠાંતરી કરી ગયા છે, આ મામલે ગઇકાલે ફરીયાદ દાખલ કરવામાં આવતા તપાસ હાથ ધરવામાં આવી છે.
જામનગરના રડાર રોડ મુરલીધર-૨ શેરી નં. ૮ ખાતે રહેતા વેપારી રમેશ લાખાભાઇ વેકરીયા (ઉ.વ.૫૪) ની જામનગર નજીક જાંબુડા રે.સ.નં. ૨૭૨ પૈકી ૧ની જમીન આવેલી હોય જેમાં હાલ વંડો વાળવામાં આવ્યો છે અને ત્યાં પતરાવાળુ છાપરુ બનાવવાનું કામ ચાલુ હોય દરમ્યાન ગત તા. ૩૧ના કોઇપણ સમયગાળામાં અજાણ્યા શખ્સો રુા. ૧૪૬૦૦ની કિંમતની સિમેન્ટની ૪૦ થેલીઓ ચોરી કરીને લઇ ગયા છે.
આ અંગે રમેશભાઇ દ્વારા ગઇકાલે પંચ-એમાં સિમેન્ટની થેલીઓ ચોરી કરી જનારા અજાણ્યા ઇસમો સામે ફરીયાદ નોંધાવતા પોલીસ દ્વારા તપાસ લંબાવવામાં આવી છે.