સુષ્મિતા સાથે બ્રેકઅપ બાદ લલિત મોદીને મળ્યો નવો પ્રેમ

સુષ્મિતા સેન સાથે બ્રેકઅપ બાદ 61 વર્ષના લલિત મોદીને વેલેન્ટાઈન ડે પર નવો પ્રેમ મળી ગયો છે.

61 વર્ષના લલિત મોદીએ ઈન્સ્ટાગ્રામ પર એક વીડિયો શેર કર્યો છે. આ વીડિયોમાં તેની સાથે એક હસીના દેખાઈ રહી છે. આ વીડિયોને પોસ્ટ કરી પોતાના પ્રેમ વ્યક્ત કર્યો છે. લલિત મોદીએ લખ્યું કે, “લકી વન્સ. હા પણ હું બે વાર લકી સાબિત થયો. જ્યારે 25 વર્ષની દોસ્તી પ્રેમમાં બદલાઈ જાય છે. આ બે વાર થયું. આશા છે કે બધા માટે આવું થાય. હેપ્પી વેલેન્ટાઈન્સ ડે આપ લલિત મોદીએ ઘણા સમય પહેલા જ્યારે સુષ્મિતા સેન સાથે રિલેશનશિપની વાત સોશિયલ મીડિયા પર કહી હતી, ત્યારે ભારે હોબાળો થયો હતો. ત્યાં સુધી કે સુષ્મિતાને ગોલ્ડ ડિગર એટલે કે લાલચી મહિલાનું ટેગ પણ સોશિયલ મીડિયા પર આપી દીધું. જે બાદ એક્ટ્રેસે લાંબી પોસ્ટ લખી હતી. પણ હવે સુષ્મિતા સેન સાથે બ્રેકઅપ બાદ લલિત મોદીની લાઈફમાં ફરી એક વાર પ્રેમની એન્ટ્રી થઈ છે. આ વાતનો ખુલાસો ખુદ લલિત મોદીએ વેલેન્ટાઈન ડેના દિવસે આપ્યો છે.

આ વીડિયો સાથે લલિતે ન તો હસીનાનું નામ જણાવ્યું છે ન તો કોઈ અન્ય જાણકારી આપી છે. પણ એટલું જરૂર છે કે આ વેલેન્ટાઈન્સ ડે લલિત મોદી માટે પ્રેમથી ભરપૂર રહ્યો. વીડિયોમાં લલિત મોદીએ હસીના સાથે વિતાવેલી ક્ષણોને કેદ કરી છે, જે ફેન્સ સાથે તેમણે શેર કરી છે. લલિત મોદી અને સુષ્મિતા સેનની આ તસવીરો જેવી વાયરલ થઈ કે લોકોએ એક્ટ્રેસને ખૂબ ટ્રોલ કરી હતી.