ગુજરાતમાં દર વર્ષે ઉજવાતા રણોત્સવની આ વખતે 11 નવેમ્બરથી શરૂઆત થવા જઈ રહી છે જેને લઈને પ્રવાસીઓમાં ઉત્સાહ જોવા મળી રહ્યો છે. આ  કાર્યક્રમમાં દેશ અને વિદેશથી ઘણાં પ્રવાસીઓ કચ્છના સુંદર રણની સુંદરતા માણવા માટે  વિશેષ અનુભવું લેવા માટે આવતા હોય છે. આ રણોત્સવ 11 નવેમ્બરથી શરૂ થઈ 15 માર્ચ સુધી ચાલુ રહેશે, અને આ દરમિયાન પ્રવાસીઓ ટેન્ટ સિટીમાં રહેતા અને કચ્છના સફેદ રણનો આનંદ માણી શકશે. 

ટેન્ટ સિટીનો અનોખો અનુભવ
રણોત્સવમાં અને ખાસ કરીને ટેન્ટ સિટીમાં રહેવાનો અનુભવ એ પોતે એક યાદગાર અનુભવ બની જાય છે. અહીં રહેનારાઓને કચ્છની પરંપરાગત ભોજન, લોક સંસ્કૃતિ અને સાથી સાથેની રમૂજનો અનુભવ મળે છે. ટેન્ટ સિટીનો પર્યટન અનુભવ ફાઇવ સ્ટાર હોટેલ કરતાં વધુ મોહક હોય છે, જ્યાં પ્રકૃતિની સમીપતા અને આકર્ષક વાતાવરણ જોડાય છે.

ટેન્ટ સિટીના ભાવ
જો તમે પણ આ રણોત્સવનો ભાગ બનવા અને ટેન્ટ સિટીમાં રહેવાનો આનંદ માણવા માંગતા હોવ, તો વિવિધ ટેન્ટ સિટીના ભાવે વિવિધ પ્રકારની સુવિધાઓ ઉપલબ્ધ છે.

1) નોન-એસી સ્વિસ કોટેજમાં વ્યક્તિ દીઠ એક રાતનું ભાડું 5,500 રૂપિયા છે.
2)ડિલક્સ એસી સ્વિસ કોટેજમાં વ્યક્તિ દીઠ એક રાત્રિના રોકાણનું ભાડું 7,500 રૂપિયા છે.
3) પ્રીમિયમ ટેન્ટનું ભાડું 8,500 રૂપિયા છે.
4) સુપર પ્રીમિયમ ટેન્ટનું ભાડું 9,500 રૂપિયા છે.
5) તહેવારોની સિઝનમાં અહીં વ્યક્તિ દીઠ એક રાત્રિનું ભાડું 7,000 થી લઈને 11,500 રૂપિયા સુધી નક્કી કરાયું છે. 
6) ક્રિસમસ અને ન્યૂ યરના તહેવાર દરમિયાન એટલે કે 20 ડિસેમ્બરથી 31 ડિસેમ્બર સુધી આ ભાડું 8,500 થી શરૂ થઈને 13,000 રૂપિયા સુધી પહોંચે છે.

કચ્છના રણમાં આ અનોખી મજાનું અનુભવ કરવા માટે તમારે કાંઇ પણ વિલંબ કર્યા વિના https://www.rannutsav.com/ વેબસાઇટ પર જઈને  બુકિંગ કરાવવાનું રહેશે.