ટ્વિન્કલ ખન્નાએ તાજેતરમાં પુરુષોની તુલના પ્લાસ્ટિક બેગ સાથે કરી હતી જેથી કંગના ભડકી હતી અને કહ્યું 'શું આ નારીવાદ છે?' એક્ટ્રેસે ટ્વિંકલ પર નોપોટિઝમનો આરોપ લગાવતા તેમને ખરી-ખોટી સંભળાવી છે.

કંગના રણૌત આમેય  પોતાના નિવેદનોના કારણે સતત ચર્ચામાં રહે છે. તે બી-ટાઉનના દરેક મેટરથી લઈને રાજનીતિ જગત સુધીના મુદ્દા પર બિનદાસ્ત બોલતી જોવા મળે છે. એક્ટ્રેસ સામાન્ય રીતે નેપોટિઝમને લઈને બોલતી જોવા મળે છે. આ વખતે કંગનાએ ટ્વિંકલ ખન્નાને આડે હાથ લીધી છે અને નેપોટિઝ્મનો દાવો કરતા તેમના પર વરસી પડી છે. 

હકીકતે કંગના રણૌતે ટ્વિંકલ ખન્નાના પુરૂષોને પોલિથીન બેગથી કમ્પેર કરનાર નિવેદન પર રિએક્ટ કર્યું છે. ઈન્સ્ટાગ્રામ પર ટ્વિંકલ ખન્નાના આખા ઈન્ટરવ્યૂની ક્લિપ શેર કરતા કંગનાએ લખ્યું- "આ વિશેષાધિકાર વાળા લોકો શું છે જે પોતાના પુરૂષોને પોલિથીન બેગ કહે છે. શું તે કૂલ બનવાનો પ્રયત્ન કરી રહી છે?"  

'સોનાની થાળીમાં ફિલ્મ કરિયર મળ્યું'

કંગનાએ લખ્યું- "ચાંદીની ચમચી સાથે પેદા થયેલા નેપો બાળકોને સોનાની થાળીમાં ફિલ્મી કરિયર મળ્યું. પરંતુ તે તેની સાથે બિલકુલ ન્યાય ન કરી શક્યા, મધરહુડ પણ તેમના માટે કોઈ ખુશી અને સંપૂર્ણતા નથી. આમના મામલામાં તો આ એક અભિશાપની જેમ લાગે છે. હકીકતે તે શું કરે છે બનવા માંગે છે? શાકભાજી? શું આ ફેમિનિઝમ છે?"

શું છે સમગ્ર મામલો? 

ટ્વિંકલ ખન્નાને એક જુના ઈન્ટરવ્યૂમાં પુછવામાં આવ્યું હતું કે તેમને કેવી રીતે અહેસાસ થયો કે તે એક ફેમિનિસ્ટ છે. તેના પર ટ્વિંકલે જણાવ્યું કે તેમની માતા ડિંપલ કાપડિયાએ તેમને શિખવાડ્યું કે મહિલાઓને પુરૂષોની જરૂર નથી. ટ્વિંકલે કહ્યું, "અમે ક્યારેય ફેમિનિઝમ કે બરાબરી કે કોઈ પણ વસ્તુઓ વિશે વાત નથી કરી. પરંતુ આ ખૂબ સ્પષ્ટ હતું કે એક આદમીની બિલકુલ પણ જરૂર ન હતી."