પશ્ચિમ બંગાળમાં સરકાર સામે વિરોધ કરી રહેલા જુનિયર ડોકટરો તમામ તબીબી સંસ્થાઓમાં તેમની સુરક્ષા સુનિશ્ચિત કરવા સહિતની વિવિધ માંગણીઓની માંગણી સાથે આજે ફરીથી અનિશ્ચિત મુદતની હડતાળ પર જઈ રહ્યા છે. આજે સવારે 10:00 વાગ્યાથી જુનિયર ડોકટરો સંપૂર્ણ રીતે કામ બંધ કરી દેશે. જુનિયર ડોકટરો 42 દિવસના વિરોધ બાદ 21 સપ્ટેમ્બરના રોજ સરકારી હોસ્પિટલોમાં આંશિક રીતે તેમની ફરજો પર પાછા ફયર્િ હતા. 9 ઓગસ્ટના રોજ, આરજી કર મેડિકલ કોલેજ અને હોસ્પિટલમાં ફરજ પરની મહિલા ડોક્ટર પર બળાત્કાર અને હત્યાની ઘટનાના વિરોધમાં જુનિયર ડોક્ટરે કામ બંધ કરી દીધું હતું.
વિરોધ કરી રહેલા ડોકટરોમાં સામેલ અનિકેત મહતોએ કહ્યું, અમને સુરક્ષા માટેની અમારી માંગણીઓ પૂરી કરવા માટે રાજ્ય સરકાર તરફથી કોઈ હકારાત્મક વલણ દેખાતું નથી. આજે વિરોધનો 52મો દિવસ છે અને હજુ પણ અમારા પર હુમલા થઈ રહ્યા છે અને મુખ્યમંત્રી મમતા બેનજીર્ સાથેની બેઠકો દરમિયાન આપેલા અન્ય વચનો પૂરા કરવાના કોઈ પ્રયાસો કરવામાં આવી રહ્યા નથી. હાલની પરિસ્થિતિમાં અમારી પાસે આજથી કામ સંપૂર્ણપણે બંધ કરવા સિવાય કોઈ વિકલ્પ બચ્યો નથી, તેમણે કહ્યું કે, જ્યાં સુધી રાજ્ય સરકાર આ માંગણીઓ પર સ્પષ્ટ પગલાં નહીં લે ત્યાં સુધી કામ સંપૂર્ણપણે બંધ રહેશે

સરકારે 15મી ઓક્ટોબર સુધીનો સમય માગ્યો છે
પશ્ચિમ બંગાળ સરકારે સુપ્રીમ કોર્ટને માહિતી આપી હતી કે રાજ્યની મેડિકલ કોલેજોમાં સુરક્ષા વ્યવસ્થાને સુધારવા માટે 26% કામ થઈ ગયું છે. બાકીનું કામ પૂર્ણ કરવા માટે રાજ્ય સરકારે 15 ઓક્ટોબર સુધીનો સમય માંગ્યો છે. સુપ્રીમ કોર્ટે પૂછ્યું હતું કે કામ આટલું ધીમું કેમ ચાલી રહ્યું છે. રાજ્યએ કોર્ટને માહિતી આપી હતી કે રાજ્યમાં પૂરની સ્થિતિને કારણે વહીવટીતંત્રને રાહત અને પૂર વ્યવસ્થાપ્ન કરવામાં મુશ્કેલીનો સામનો કરવો પડી રહ્યો છે.