બરોડામાં ખાતાધારકની માતાની ખોટી ઓળખ આપી લોકરમાંથી .૧૩.૯૪ લાખના સોના ચાંદીના દાગીના કાઢી ચોરી કર્યા અંગે અજાણ્યા ઇસમ સામે  ફરિયાદ નોંધાતા પોલીસે વધુ તપાસ હાથ ધરી છે.
જૂનાગઢમાં એમ જી રોડ રાણાવાવ ચોક વિસ્તારમાં આવેલ બેંક ઓફ બરોડાની શાખામાં  મહિલાની ખોટી ઓળખ આપી બેન્ક કર્મચારીને વિશ્વાસમાં લઈ લોકર માંથી .૧૩.૯૪ લાખની કિંમતના સોના ચાંદીના દાગીના કાઢી લેવાના બનાવમાં ખાતાધારકે અજાણ્યા ઇસમ સામે લોકરનો અપ્રમાણિત ઉપયોગ કરી દાગીના ચોરી કર્યા અંગે ફરિયાદ નોંધાવતા પોલીસે સીસીટીવી ફટેજને આધારે વધુ તપાસ હાથ ધરી છે.
આ અંગે બી ડિવિઝનમાંથી પ્રા વિગત મુજબ જૂનાગઢમાં મોબાઈલ સર્વિસ સેન્ટર ચલાવતા અને જોશી પરા વિસ્તારમાં રહેતા હિમાંશુભાઈ ભુપતભાઈ ત્રિવેદી નું તેની માતા અન્નપૂર્ણાબેન બંનેનું સંયુકતમાં રાણાવાવ ચોકમાં બેંક ઓફ બરોડા ની શાખામાં લોકર રહેલું છે.તા.૩૧ જાન્યુઆરીથી ૨૯ ઓકટોબર દસ માસના સમયગાળા દરમિયાન અજાણી મહિલાએ હિમાંશુભાઈ ત્રિવેદીના માતા અન્નપૂર્ણાબેન ની ખોટી ઓળખ આપી બેન્ક કર્મચારીને વિશ્વાસમાં લઈ હિમાંશુભાઈ અને તેના માતાના સંયુકત લોકરનો અપ્રમાણિત રીતે ઉપયોગ કરી લોકરમાં રાખેલ .૧૩.૯૪ લાખની કિંમતના સોના ચાંદીના દાગીના કાઢી જવાના બનાવમાં પરવાનગી વગર લોકર ઓપરેટ કરી ચોરી કર્યા અંગે અજાણ્યા ઇસમ સામે ફરિયાદ નોંધાવી છે.
જોકે સમગ્ર મામલે નોંધનીય એ કહી શકાય કે બેંકમાં લોકર ખોલતી વખતે નંબર તથા ખાતા ધારકની સાઈન ચકાસણી કરવામાં આવતી હોય છે પરંતુ તે તમામ બાબતો ચકાસણી કર્યા વગર જ ખાતાધારકને લોકર ઓપરેટ કરવાની પરવાનગી આપવા મામલે તેમજ સીસીટીવી ફટેજ ને આધારે પોલીસ દ્રારા તમામ દિશાઓમાં ઐંડાણપૂર્વકની તપાસ હાથ ધરી રહી છે