કાલાવડના જામવાડી ગામે જેટકોમાં લાઈનમેન તરીકે નોકરી કરતા યુવકે ઝેરી દવા પી આપઘાતનો પ્રયાસ કરતા સારવાર માટે રાજકોટ સિવિલ હોસ્પિટલમાં ખસેડવામાં આવ્યો છે.પ્રાપ્ત વિગત મુજબ કાલાવડના નવાણિયા ખીજડીયા ગામે રહેતો અને જામવાડી ગામે જેટકોમાં નોકરી કરતા વિપુલ આલજીભાઈ પરમાર (ઉ.વ.24)ના યુવકે સાંજે જામવાડી જેટકોમાં હતો ત્યારે ઝેરી દવા પી લેતા પ્રતમ કાલાવડ બાદ વધુ સારવાર માટે રાજકોટ સિવિલ હોસ્પિટલમાં ખસેડવામાં આવ્યો છે. બનાવ અંગે હોસ્પિટલ ચોકીના સ્ટાફે કાલાવડ તાલુકા પોલીસને જાણ કરી હતી. યુવક બે ભાઇમાં નાનો અને અપરણિત છે. એક વર્ષથી જેટકોમાં નોકરી કરે છે. ક્યાં કારણોસર દવા પીધી એ ન જણાવતા પોલીસે તપાસ યથાવત રાખી છે.