વિજતંત્રની ટુકડીએ સમગ્ર વિસ્તારનો વિજ પુરવઠો બંધ કરાવી તાત્કાલિક સમાર કામ હાથ ધર્યું

જામનગરમાં બર્ધનચોક વિસ્તારમાં રાત્રિના ૯.૪૫ વાગ્યાના અરસામાં એક વિજ થાંભલામાં એકાએક શોર્ટ સર્કિટ થવાના કારણે તણખા પડવા લાગ્યા હતા, જેના કારણે ભારે નાસભાગ થઈ હતી. જે વિસ્તારમાં તણખા પડી રહ્યા હતા, ત્યાં લોકોને ખૂબ જ ભીડ હતી, તેમજ પથારા વાળાઓ પણ ત્યાં ધંધો કરતા હતા, અને નાશભાગના દ્રશ્યો જોવા મળ્યા હતા.

સમગ્ર બનાવની વિજ તંત્રને જાણ થવાથી દરબારગઢ વિસ્તારનો વીજ પુરવઠો તાત્કાલિક અસરથી બંધ કરાવ્યો હતો, અને વિજતંત્રની ટુકડી દ્વારા તુરતજ સમારકામની કાર્યવાહી હાથ ધરી લેવામાં આવી હતી, અને વિજ પુરવઠો પુન શરૂ કરી દેવાયો હતો, જેથી હાશકારો અનુભવાયો હતો. પરંતુ એટલા સમય માટે ભારે અફડાતફડી મચી ગઈ હતી. જોકે સદભાગ્ય કોઈ વ્યક્તિ દાજી જવાનો બનાવ બન્યો ન હતો.