ફાયરનું ચેકિંગ કરવા માટે પણ કમૅચારીઓની અછત છે તેમ વિપક્ષના ધારાસભ્ય હેમંતભાઈ ખવા દ્વારા અનુરોધ કરવામાં આવ્યો છે.

તેઓનાં જણાવ્યા અનુસાર રાજકોટ અગ્નિકાંડની ગોઝારી ઘટના બાદ જામનગર , રાજકોટ સહીત રાજ્યભરમાં ફાયર તંત્ર જાગ્યું છે . તપાસ બાદ ફાયર એન.ઓ.સી ના હોય તેવા એકમોને તાળા લગાવાયા છે . આ આવકારદાયક કાયૅવાહી છે પરંતુ એક ઝાટકે આટલા એકમો બંધ કરાયા જેનો મતલબ એ છે કે અત્યાર સુધી બધું રામભરોસે જ ચાલતું હતું . જેની પાછળ સૌથી મોટુ કોઈ કારણ હોય તો તે છે ફાયર સ્ટાફની અછત .

જો ફાયર વિભાગ પાસે પૂરતો સ્ટાફ હોય તો જામનગરના જુદા જુદા વિસ્તારોમાં કાયમી ચેકિંગ હાથ ધરવામાં આવી શકે અને કસૂરવાર એકમધારકો સામે તાત્કાલિક જ પગલાં લઈ શકાય . જામનગર ફાયર વિભાગમાં મંજુર મહેકમની સામે ૪૧ જગ્યાઓ ખાલી છે . જ્યારે રાજકોટમાં પણ ૫૦ થી વધુ જગ્યાઓ ખાલી હોવાનું સામે આવ્યું છે . જામનગરમાં ફાયર વિભાગની ખાલી જગ્યા ભરવા માટેની ભરતી પ્રક્રિયા પૂર્ણ થઈ ગઈ છે માત્ર ઓર્ડર આપવાના વાંકે ભરતી પ્રક્રિયા ગોટાળે ચડી છે . છ મહિના અગાઉ ભરતી પ્રક્રિયા પૂર્ણ થયા બાદ પણ હજુ ઉમેદવારોને ઓર્ડર હાથમાં આવ્યા નથી . આથી ઉમેદવારો પણ આર્થિક તંગી અનુભવી રહ્યા છે . તો બીજી બાજુ કામના ભારણને લઈ હાજર કર્મચારીઓ પાસેથી પણ કામ લેવામા ઉપરી અધિકારીઓને સમસ્યા નડી રહી છે . જેનો માર સીધો સામાન્ય જનતા પર પડી રહ્યો છે .

આ ભરતી પ્રક્રિયા ક્યા કારણોસર વિલંબમાં પડી છે અને ખોરંભે ચડેલી આ ભરતી પ્રક્રિયાને તાત્કાલિક પૂર્ણ કરાવી અને ઓર્ડર આપવામાં આવે તે જરૂરી છે . હાલની સ્થિતિએ ફાયર વિભાગ દ્વારા જે એકમોમાં તાળા લગાવવામાં આવ્યા છે . તેમાથી અમુક એકમ ધારકો દ્વારા ખૂટની સુવિધા પણ ઉભી કરી દેવાઈ છે . જો કે સ્ટાફના અભાવે ફિલ્ડ પર ચેકીંગ થઈ શકતું નથી.આથી ધંધાદારીઓ પણ મુશ્કેલી અનુભવી રહ્યા છે .

જામનગર ચારેકોરથી વિસ્તરી રહ્યું છે અને વિશ્વનો સૌથી મોટો ગણાતો બ્રાસ ઉદ્યોગ પણ આવેલો છે . આથી સમયાંતરે આગજનીની ઘટનાઓ સામે આવી રહી છે . જ્યારે એક કરતા વધુ આગની ઘટના બને ત્યારે ફાયર સ્ટાફ પહોચી ન વળતો હોવાથી મોટું નુકસાન થવાની પણ ભીતિ સેવાઈ છે . આ સમગ્ર બાબતોને ધ્યાનમાં રાખી અને જામનગર તેમજ રાજકોટ સહિત સૌરાષ્ટ્ર , ગુજરાતમાં જે પણ જગ્યાએ ફાયર સ્ટાફનો અભાવ છે . તે જગ્યાઓ પર નીતિ નિયમ મુજબ તાત્કાલિક ભરવામાં આવે તેવી અમારી માંગ કરી છે.