પાંચ ડેપોમાંથી ૧૯,૯૫૧ મુસાફરોએ બસનો લાભ લીધો

જામનગર એસટી વિભાગ દ્વારા ધુળેટીના તહેવારોને અનુલક્ષીને તા. ૧૭ થી ૨૬ માર્ચ ૨૦૨૪ દરમિયાન મુસાફરોને એક સારી સુવિધા મળી રહે અને દ્વારકા ફુલડોલ મહોત્સવ સહિત રજાના દિવસોમાં દ્વારકા, ઓખા, બેટદ્વારકા, હર્ષદ, શિવરાજપુર બીચ સહિતના ધાર્મિક સ્થળે તેમજ ફરવાના સ્થળોએ મુસાફરો આવાગમન કરી શકે તે માટે એકસ્ટ્રા બસોનું સંચાલન કરવામાં આવ્યું હતું. જેમાં સોમનાથ, જુનાગઢ, રાજકોટ સહિતના શહેરોનો સમાવેશ કરાયો હતો. જેમાં જામનગર એસટી વિભાગ હેઠળ આવતા પાંચેય ડેપોને ‚ા. ૩૮ લાખથી વધુની આવક થવા પામી હતી તેમ વિભાગીય નિયામક જાડેજા અને ડેપો મેનેજર વરમોરા દ્વારા જણાવાયું છે.
જામનગર વિભાગીયા કચેરી દ્વારા ધૂળેટીનો તહેવાર અને રજાના દિવસોમાં મુસાફરો ધાર્મિક સ્થળોએ આવાગમન સારી સુવિધા મળે તે માટે એકસ્ટ્રા બસોનું સંચાલન કરાયું હતું. જેમાં ખાસ કરીને દ્વારકામાં ફૂલડોલ ઉત્સવમાં લાખોની સંખ્યામાં ભકતો આવાગમન કરતા હોય છે અને સૌરાષ્ટ્રભરમાંથી ભકતો દ્વારકા ફૂલડોલ ઉત્સવમાં ભાગ લેતા હોય છે. આ ઉપરાંત સોમનાથ, જુનાગઢ, રાજકોટ, પોરબંદર સહિતના શહેરોનું એસટી વિભાગ દ્વારા એકસ્ટ્રા બસોનું સંચાલન કરવામાં આવ્યું હતું. જેના ભાગ‚પે આ ધુળેટીના તહેવારોમાં રેકર્ડ બ્રેક ભાવિકો અને પ્રવાસીઓ હાલારના ધાર્મિક અને ફરવાના સ્થળોએ ઊમટી પડ્યા હતાં અને સુદર્શન બ્રિજ પણ આ રજામાં લાખો લોકોએ નિહાળ્યો જેને કારણે જામનગર એસટી ડિવિઝન હેઠળ આવતા પાંચ ડેપોને સારી આવક થવા પામી હતી. જેમાં જામનગર ડેપોમાંથી ૧૬૪ ટ્રીપ ઉપડી હતી અને ૮૦૮૮ લોકોએ મુસાફરી કરતા ‚ા. ૨૧,૨૪,૯૫૦ આવક તેમજ દ્વારકા ડેપોમાંથી ૧૭૩ ટ્રીપ ઉપડતા ૮૬૧૧ લોકોએ મુસાફરી કરતા રૂા. ૧૪,૧૬૨ અને જામજોધપુર ડેપોમાંથી ૧૨ ટ્રીપ ઉપડી હતી અને ૬૫૪ લોકોએ મુસાફરી કરતા રૂા. ૧,૮૦,૨૯૮ની આવક તેમજ ધ્રોલ ડેપોમાંથી ૩૪ ટ્રીપ ઉપડી હતી અને ૧૫૬૪ લોકોએ મુસાફરી કરતા ૫,૩૨,૪૩૬ની આવક અને ખંભાળિયા ડેપોમાંથી ૧૬ ટ્રીપ ઉપડતા ૧૦૩૪ લોકોએ મુસાફરી કરતા ૨,૬૨,૭૬૬ લાખની આવક થવા પામી હતી. જેમાં ખાસ કરીને જામજોધપુર, ધ્રોલ અને ખંભાળિયા ડેપોમાંથી શ્રમિકોએ એકસ્ટ્રા બસ સંચાલનનો લાભ લીધો હતો. આમ જામનગર ડિવિઝનને એકસ્ટ્રા બસનું સંચાલન કરતા પાંચેય ડેપોની આવક ‚ા. ૩૮,૪૪,૫૨૬ લાખની થવા પામતા અધિકારીઓ અને કર્મચારીઓમાં આનંદ છવાયછો હતો.