વધારાની 70 ટ્રીપમાં રૂ. 5 લાખ 83 હજારની વધુ આવક મળી

જામનગર ના એસ.ટી. ડિવિઝન દ્વારા દિવાળીના તહેવારો દરમિયાન વધારાની બસ ની ટ્રીપો દોડાવવા માં આવી હતી. અને જેમાં સાત દિવસમાં રૂ. 5 લાખ 83 હજાર થી વધુ ની આવક મળી હતી. જ્યારે સાત દિવસમાં કુલ સવા બે કરોડની આવક થઈ છે.

દિવાળી ના તહેવારો દરમિયાન એસ.ટી. બસ માં મુસાફરો ના ઘસારા ને પહોંચી વળવા માટે તા. 29 ઓક્ટોબર થી 4  નવેમ્બર સુધી એટલે કે સાત દિવસ માટે જામનગર એસટી ડિવિઝન દ્વારા વધારા ની બસ  દોડાવવા માં આવી હતી. અને બસ ની વધારા ની કુલ 70 ટ્રીપ કરવામાં આવી હતી. જેનો 3,627  મુસાફરો એ લાભ લીધો હતો. અને મુસાફરી ભાડા પેટે વધારા ની કુલ રૂ. 5,83,541 ની  વધારા ની આવક મળી હતી.

જ્યારે વધારા ની અને દરરોજ ની સામાન્ય રૂટિન મળી સાત દિવસ મા કુલ રૂ.સવા બે કરોડ ની આવક મળી હતી.આમ જામનગર એસ ટી ડિવિઝન ને દિવાળી આર્થિક રીતે ફળી હતી.