જામકંડોરણા જુ સેવા સહકારી મંડળીમાંથી આંચવડ ગામના ખેડૂત સભાસદ જયેન્દ્રસિંહ ગોવુભા ચૌહાણે મંડળીમાંથી  સને ૨૦૦૪-૨૦૦૫ના વર્ષમાં મધ્યમ મુદત નવા કુવાની લોન તા સને ૨૦૦૭-૨૦૦૮ના વર્ષમાં કપાસ અને મગફળીનું પાક ધિરાણ તા સને ૨૦૦૭-૨૦૦૮ના વર્ષમાં મધ્યમ મુદત બીનખેતી હાઉસિંગ લોન મેળવેલ હતી જે લોન અને ધિરાણની રકમ ચુકવવા મંડળી દ્વારા જયેન્દ્રસિંહ ગોવુભા ચૌહાણને નોટીસ પાઠવતા તેમને ચુકવણી પેટે રૂ .૧૨ લાખનો ચેક મંડળીને આપેલો જે ચેક બેન્કમાંથી  રીટર્ન યેલ હતો. જયેન્દ્રસિંહને નોટીસ પાઠવવા છતાં બાકી રકમ ન ચુકવતા જામકંડોરણા જુ સેવા સહકારી મંડળીના મંત્રી ગીરધરભાઇ રાદડિયાએ મંડળીના એડવોકેટ દ્વારા નેગોશીએબલ એકટ હેઠળ જામકંડોરણાની અદાલતમાં ફરીયાદ દાખલ કરી હતી. જે કેસની સુનાવણી ચાલતા જેમાં બંને પક્ષોની રજૂઆત અને દલીલો બાદ જજ જે.એલ.પરમરે આરોપી જયેન્દ્રસિંહ ચૌહાણને બે વર્ષની સાદી કેદની સજા અને આરોપીએ ચેકની રકમ રૂ.૧૨ લાખની રકમનો દંડ અને આ દંડની રકમ મંડળીને ૩૦ દિવસમાં ચૂકવી આપવાનો હુકમ કરવામાં આવેલ છે અને જો આરોપી આ રકમ ચૂકવી ન આપે તો વધુ છ માસની સાદી કેદની સજા અને દંડ પેટે રૂ.૧૦ હજાર કોર્ટમાં જમા કરાવવાનો હુકમ કરવામાં આવેલ છે. આ કેસમાં મંડળી વતી એડવોકટ વી.એમ.મુંજપરા રોકાયા હતાં.