નિર્મલા સીતારમણના બજેટમાં આવકવેરા ભરનારાઓને મોટી રાહત મળી છે. હવે 12 લાખ રૂપિયા સુધીની વાર્ષિક આવક પર કોઈ ટેક્સ નહીં લાગે. હવે તમે છેલ્લા 4 વર્ષનું IT રિટર્ન એકસાથે ફાઇલ કરી શકશો. વરિષ્ઠ નાગરિકો માટે TDS મર્યાદા 50 હજાર રૂપિયાથી વધારીને 1 લાખ રૂપિયા કરવામાં આવી છે.

• 
  નવું આવકવેરાનું માળખું
  0થી 4 લાખ સુધીની આવક પર કોઈ ઇન્કમટેક્સ નહીં
• 4થી 8 લાખ સુધીની આવક પર 5 ટકા ઇન્કમટેક્સ
• 8થી 12 લાખ સુધીની આવક પર 10 ટકા ઇન્કમટેક્સ
• 12થી 16 લાખ સુધીની આવક પર 15 ટકા ઇન્કમટેક્સ
• 16થી 20 લાખની આવક પર 20 ટકા ઇન્કમટેક્સ
• 20થી 24 લાખની આવક પર 25 ટકા ઇન્કમટેક્સ
• 24 લાખથી ઉપરની આવકમાં 30 ટકા ઇન્કમટેક્સ

બજેટમાં મોટી જાહેરાતો

• આગામી 6 વર્ષ મસૂર, તુવેર જેવા કઠોળનું ઉત્પાદન વધારવા પર ધ્યાન કેન્દ્રિત કરવામાં આવશે.
• કપાસનું ઉત્પાદન વધારવાનું 5 વર્ષનું મિશન, આનાથી દેશના કાપડ ઉદ્યોગને મજબૂતી મળશે.
• કિસાન ક્રેડિટ કાર્ડ પર લોન મર્યાદા 3 લાખ રૂપિયાથી વધારીને 5 લાખ રૂપિયા કરવામાં આવશે.
• બિહારમાં મખાના બોર્ડની રચના કરવામાં આવશે, જેનાથી નાના ખેડૂતો અને વેપારીઓને ફાયદો થશે.
• નાના ઉદ્યોગો માટે ખાસ ક્રેડિટ કાર્ડ, પહેલા વર્ષમાં 10 લાખ કાર્ડ જાહેર કરવામાં આવશે.
• MSME માટે લોન ગેરંટી કવર 5 કરોડ રૂપિયાથી વધારીને 10 કરોડ રૂપિયા કરવામાં આવશે, 1.5 લાખ કરોડ રૂપિયા સુધીની લોન ઉપલબ્ધ થશે.
• સ્ટાર્ટઅપ માટે લોન રૂ. 10 કરોડથી વધારીને રૂ. 20 કરોડ કરવામાં આવશે. ગેરંટી ફીમાં પણ ઘટાડો થશે.
• મેક ઈન ઈન્ડિયા અંતર્ગત રમકડા ઉદ્યોગ માટે ખાસ યોજના શરૂ કરવામાં આવશે.
• 23 IITમાં 1.35 લાખ વિદ્યાર્થીઓ છે - IIT પટનાનો વિસ્તાર કરવામાં આવશે.
• AI માટે કૃત્રિમ બુદ્ધિમત્તામાં શ્રેષ્ઠતા માટે રૂ. 500 કરોડની જાહેરાત.
• આગામી 5 વર્ષમાં મેડિકલ એજ્યુકેશનમાં 75 હજાર સીટો વધારવાની જાહેરાત.
• મહિલાઓ માટે જાહેરાત
• SC-STના MSME મહિલા ઉદ્યોગસાહસિકો માટે ખાસ લોન યોજના.
• પહેલીવાર ઉદ્યોગસાહસિક બનનારી મહિલાઓને 2 કરોડ રૂપિયાની ટર્મ લોન મળશે.

વૃદ્ધો માટે મહત્ત્વની જાહેરાત

• વરિષ્ઠ નાગરિકો માટે કર મુક્તિ બમણી કરીને 50,000 રૂપિયાથી વધારીને 1 લાખ રૂપિયા કરવામાં આવી.
• ટીડીએસ મર્યાદા વધારીને રૂ. 10 લાખ કરવામાં આવી.
• તમે 4 વર્ષ માટે અપડેટેડ ITR ફાઇલ કરી શકો છો.
• દેશમાં 200 ડે-કેર કેન્સર સેન્ટર બનાવવામાં આવશે.
• તબીબી ઉપકરણો અને કેન્સરની દવાઓ સસ્તી થશે.
• 6 જીવનરક્ષક દવાઓ પર કસ્ટમ ડ્યુટી 5% ઘટાડી.
• 37 અન્ય દવાઓ અને 13 દર્દી સહાય કાર્યક્રમોને મૂળભૂત કસ્ટમ ડ્યુટીમાંથી મુક્તિ આપવામાં આવી છે.

• 7 ટેરિફ રેટ દૂર કરવાનો નિર્ણય
  સરકારે 7 ટેરિફ રેટ દૂર કરવાનો નિર્ણય લીધો છે. માત્ર 8 ટેરિફ દરો જ રહેશે. સમાજ કલ્યાણ સરચાર્જ દૂર કરવાની દરખાસ્ત કરવામાં આવી છે.
• તમામ સરકારી શાળાઓમાં બ્રોડબેન્ડ કનેક્ટિવિટી
• નાણામંત્રીએ કહ્યું કે ડિજિટલ શિક્ષણ સંસાધનોની વધુ સારી પહોંચ સુનિશ્ચિત કરવા માટે તમામ સરકારી માધ્યમિક શાળાઓ અને પ્રાથમિક આરોગ્ય કેન્દ્રોને બ્રોડબેન્ડ કનેક્ટિવિટી પ્રદાન કરવામાં આવશે.

ગંભીર રોગો માટેની 36 દવાઓ ડ્યૂટી ફ્રી
નાણામંત્રી નિર્મલા સીતારમણે કહ્યું કે 36 જીવનરક્ષક દવાઓ પરનો ડ્યૂટી ટેક્સ સંપૂર્ણપણે નાબૂદ કરવામાં આવશે. તમામ સરકારી હોસ્પિટલોમાં કેન્સર ડે કેર સેન્ટર બનાવવામાં આવશે. કેન્સરની સારવાર માટેની દવાઓ સસ્તી થશે. 6 જીવનરક્ષક દવાઓ પરની કસ્ટમ ડ્યુટી ઘટાડીને 5 ટકા કરવામાં આવશે.