ગ્લોબલ મેન્યુફેક્ચરિંગમાં ચીનનું સ્થાન લેવું ભારત માટે હજુ પણ મુશ્કેલ છે. ઇકોનોમિક સર્વેમાં જણાવાયું છે કે ચીનમાંથી વિદેશી રોકાણમાં વધારો થવાથી ભારતને વૈશ્વિક સપ્લાય ચેઇનમાં ભાગ લેવામાં અને નિકાસને વેગ આપવામાં મદદ મળી શકે છે. ભારત વૈશ્વિક મૂલ્ય શૃંખલાઓમાં ભાગીદારી વધારવા માંગે છે. તેથી તેને પૂર્વ એશિયાના દેશોની સફળતાઓ અને વ્યૂહરચનાઓ પર ધ્યાન આપવાની જરૂર છે. આ અર્થતંત્રોએ વેપાર ખર્ચ ઘટાડીને વિદેશી રોકાણની સુવિધા આપી છે. આયાત પર પ્રતિબંધ ચીનને સસ્તી ચીજવસ્તુઓની આયાત કરતા રોકી શકશે નહીં.
સર્વેમાં કહેવામાં આવ્યું છે કે ચાઈના પ્લસ વન વ્યૂહરચનાથી લાભ મેળવવા માટે ભારત પાસે બે વિકલ્પો છે. કાં તો તેણે ચીનની સપ્લાય ચેઇનમાં જોડાવું જોઈએ અથવા ચીનમાંથી સીધા વિદેશી રોકાણને પ્રોત્સાહન આપવું જોઈએ. ચીન તરફથી એફડીઆઈ પર ફોકસ કરવાથી ભારતને અમેરિકામાં નિકાસ વધારવામાં મદદ મળી શકે છે. અગાઉ, પૂર્વ એશિયાની ઘણી અર્થવ્યવસ્થાઓએ આવું કર્યું હતું. વ્યાપાર માટે ચીન પર આધાર રાખવા કરતાં ’ચાઇના પ્લસ વન’થી લાભ મેળવવા એફડીઆઈ પસંદ કરવું વધુ ફાયદાકારક છે.
ચીન ભારતનું ટોચનું આયાત ભાગીદાર છે અને ચીન સાથે વેપાર ખાધ વધી રહી છે. કારણ કે અમેરિકા અને યુરોપ ચીનમાંથી તેમનો તાત્કાલિક પુરવઠો ડાયવર્ટ કરી રહ્યા છે. તેથી, ભારતીય નિકાસકારો માટે ચીનમાંથી આયાત કરવા અને પછી પશ્ચિમી દેશોમાં નિકાસ કરવાને બદલે ચીનની કંપ્નીઓ ભારતમાં રોકાણ કરવું અને દેશમાંથી પશ્ચિમી બજારોમાં ઉત્પાદનોની નિકાસ કરવી તે વધુ ખર્ચ-અસરકારક છે. ચીનમાંથી એફડીઆઈ ના પ્રવાહમાં વધારો નિકાસને વેગ આપવા તેમજ વૈશ્વિક પુરવઠા શૃંખલામાં ભારતની ભાગીદારી વધારવામાં મદદ કરી શકે છે.