ઇઝરાયલે લેબનોનની અંદર, ઘૂસીને સરહદની અંદર હવાઈ હુમલા શરુ કર્યા છે. ઇઝરાયલી સૈન્યએ પણ હુમલાઓની પુષ્ટિ કરતા કહ્યું કે તેણે ઈરાન સમર્થિત ઉગ્રવાદી જૂથ હિઝબુલ્લાહના લશ્કરી સ્થાપ્નો અને શસ્ત્રોના સ્થળોને નિશાન બનાવ્યા હતા.
ઇઝરાયલે રવિવારે મોડી રાત્રે લેબનોનમાં હિઝબુલ્લાહના ઠેકાણાઓ પર મોટો હુમલો કર્યો. ઇઝરાયલ ડિફેન્સ ફોર્સ એ સોમવારે વહેલી સવારે આ હુમલાની માહિતી આપી હતી. આ હુમલામાં, ઇઝરાયેલી વાયુસેનાના લડાકુ વિમાનોએ દક્ષિણ અને પૂર્વી લેબનોનમાં અનેક સ્થળોએ બોમ્બમારો કર્યો. આમાં સરહદની અંદરના વિસ્તારોનો સમાવેશ થાય છે. આ હુમલો એવા સમયે કરવામાં આવ્યો છે જ્યારે ઇઝરાયલ અને હિઝબુલ્લાહ વચ્ચે 60 દિવસનો યુદ્ધવિરામ હજુ પણ ચાલુ છે.
ઇઝરાયલી સૈન્યએ જણાવ્યું હતું કે તેણે સીરિયા-લેબનોન સરહદ પરના રોકેટ લોન્ચર સ્થળ, લશ્કરી સ્થળ અને માર્ગો પર હુમલો કર્યો હતો જેનો ઉપયોગ આતંકવાદી જૂથ હિઝબુલ્લાહને શસ્ત્રોની દાણચોરી કરવા માટે થતો હતો. હુમલા પહેલા, ઇઝરાયલી હોમ ફ્રન્ટ અને ઇઝરાયલ ડિફેન્સ ફોર્સ સૈનિકો માટે લક્ષ્યો દ્વારા ઉભા થયેલા ખતરાને ઇઝરાયલ અને લેબનોન વચ્ચેના યુદ્ધવિરામ કરારના દેખરેખ તંત્ર સમક્ષ રજૂ કરવામાં આવ્યો હતો.
હિઝબુલ્લાહ સાથે જોડાયેલા લેબનીઝ મીડિયા આઉટલેટ અલ-અખબારના અહેવાલ મુજબ, આ હુમલાઓમાં દક્ષિણ લેબનીઝ ગામ હૌમિન અલ ફૌકાને નિશાન બનાવવામાં આવ્યું હતું. આ ગામ ઇઝરાયલી સરહદી શહેર મેટુલાથી લગભગ 18 કિલોમીટર દૂર છે. લેબનીઝ મીડિયા આઉટલેટ અલ-મનારે પાછળથી સીરિયન સરહદ નજીક બેકા ખીણમાં લગભગ 80 કિલોમીટર દૂર મેટુલા ગામમાં વધારાના હુમલાની જાણ કરી.
ઇઝરાયલી સૈન્યએ એક નિવેદનમાં જણાવ્યું હતું કે ’ઇઝરાયલ ડિફેન્સ ફોર્સ ઇઝરાયલ રાજ્ય માટેના કોઈપણ ખતરાને દૂર કરવા માટે કામ કરવાનું ચાલુ રાખશે અને યુદ્ધવિરામ કરાર અનુસાર હિઝબુલ્લાહ દ્વારા તેના દળોને ફરીથી બનાવવાના કોઈપણ પ્રયાસને રોકવા માટે કાર્યવાહી કરશે.

યુદ્ધવિરામ અને હુમલા એક સાથે
ગયા વર્ષે નવેમ્બરના અંતમાં ઇઝરાયલ અને હિઝબુલ્લાહે ૬૦ દિવસના યુદ્ધવિરામ કરાર પર હસ્તાક્ષર કર્યા હતા, જે ૨૬ જાન્યુઆરીએ સમા થાય છે. ગયા અઠવાડિયે જ, ઇઝરાયલે ચેતવણી આપી હતી કે જો ઈરાન સમર્થિત આતંકવાદી જૂથ દક્ષિણ લેબનોનમાં લિટાની નદીમાંથી પીછેહઠ નહીં કરે તો યુદ્ધવિરામ કરાર તૂટી શકે છે. ઇઝરાયલ અને હિઝબુલ્લાહ બંનેએ વારંવાર એકબીજા પર કરારની શરતોનું ઉલ્લંઘન કરવાનો આરોપ લગાવ્યો છે