ટેકનોલોજીના આ યુગમાં ગેજેટ્સનો ઉપયોગ વધ્યો છે. નાના બાળકો મોબાઈલ ફોન અને ટીવીનો ઘણો ઉપયોગ કરે છે. જેનાથી તેની આંખો પર ખરાબ અસર પડે છે અને ચશ્મા જરૂરિયત ઉભી થાય છે.  કેટલાક બાળકો એવા હોય છે જેમને જન્મથી જ આંખ સંબંધિત સમસ્યાઓ હોય છે.

ઘણા માતા-પિતા તેમના બાળકોની આંખ સંબંધિત સમસ્યાઓને યોગ્ય રીતે ઓળખી શકતા નથી. આવી સ્થિતિમાં બાળકોની આંખોને નુકસાન થવાનું જોખમ પણ વધી જાય છે. તમને તે લક્ષણો વિશે જણાવીશું, જેને જોઈને માતા-પિતાને ખબર પડશે કે તેમના બાળકોને ચશ્માની જરૂર છે કે નહીં.

વારંવાર આંખો બંધ કરવી

જો તમારું બાળક વારંવાર આંખો બંધ કરી રહ્યું છે, તો આ લક્ષણને બિલકુલ અવગણશો નહીં. આવું ત્યારે થાય છે જ્યારે બાળકોની સામાન્ય દ્રષ્ટિમાં કોઈ પ્રકારની સમસ્યા સર્જાઈ છે.

માથાનો દુખાવો

જો તમારું બાળક વારંવાર માથાના દુખાવાની ફરિયાદ કરતું હોય તો તેની દૃષ્ટિ નબળી પડી શકે છે. કોઈ રોગને કારણે પણ આવું થઈ શકે છે. પરંતુ આ નબળી દ્રષ્ટિના સંભવિત લક્ષણોમાંનું એક છે. આ સ્થિતિમાં, તમારે તાત્કાલિક ડૉક્ટરની સલાહ લેવી જોઈએ. ડૉક્ટર યોગ્ય ચશ્મા સૂચવી શકે છે. જેનાથી દ્રષ્ટિમાં કોઈ સમસ્યા નહીં થાય.

નજીકથી TV જોવું

જો તમારું બાળક અચાનક પહેલા કરતાં વધુ નજીકથી ટીવી જોવાનું શરૂ કરી દે છે. તો આ પણ નબળી દૃષ્ટિનું લક્ષણ હોઈ શકે છે. માતાપિતા માટે આ એક સંકેત છે કે તમારા બાળકની આંખો ખરાબ થવા લાગી છે.