આ અંગેની હકીકત મુજબ,

રાજકોટના પંકજભાઈ શાહ અને તેમની પત્નીએ સ્ટાર હેલ્થ એન્ડ એલાઈડ ઈન્સયુરન્સ કંપની પાસે રૂ 15 લાખનો મેડીકલેઈમ લીધો હતો. દરમ્યાન ભાવનાબેન શાહને વર્ષ ૨૦૨૪માં પગમાં ચાલવામાં અને બેલેન્સમાં તકલીફ થતા મુંબઈમા કાંદીવલી વિસ્તારમાં આવેલ હોસ્પિટલમાં દાખલ થઇ તા. ૧૮.૯.૨૦૨૪થી તા.૨૧.૯.૨૦૨૪ સુધી પગની "ની-રિપ્લેસમેન્ટ" સારવાર કરાવી હતી. તેનો કુલ રૂા. ૪,૫૧,૫૧૪નો ખર્ચ થયો હતો. જે અંગેના મેડીકલેઈમમાં સ્ટાર હેલ્થ એન્ડ એલાઈડ ઈન્સ્યુરન્સ કંપનીએ ડોક્ટરના અને ડાયેટિશ્યનના ચાર્જીસ રિઝનેબલ નહીં હોવાનું જણાવી માત્ર રૂા. ૨,૮૪,૩૩૧ મંજુર કરી અને કુલ રૂા. ૧,૫૫,૧૮૩ની કપાત કરી હતી. જે મેડીકલેઈમની કપાત રકમ વસૂલવા ભાવનાબેન શાહે ગ્રાહક સુરક્ષા ફોરમમાં ફરિયાદ દાખલ કરી હતી. જે ચાલતા ફરિયાદીના વકીલ દ્વારા સારવારમાં ફી કેટલી લેવી તે ઇન્સ્યોરન્સ કંપની નક્કી ન કરી શકે તે મતલબની કરવામાં આવેલ દલીલો અને ટાંકેલા ઉચ્ચ અદાલતના ચુકાદાઓ ધ્યાને લઇ વિમા કંપનીએ ફરિયાદીને 30 દિવસમાં કુલ રૂા. ૧,૩૬,૭૧૧ ચુકવવા અન્યથા અને રકમ ૯ ટકા વ્યાજ ચુકવવા ઉપરાંત ફરીયાદીને ખર્ચના રૂા.૩,૦૦૦/- અલગ ચુકવવા હુકમ કર્યો છે. આ કેસમાં ફરિયાદી વતી સિનિયર એડવોકેટ પી.આર. દેસાઈ રોકાયા હતા.