રસોડું એ ઘરના સૌથી મહત્વપૂર્ણ ભાગોમાંનું એક છે. અહીંથી દરરોજ મોટી માત્રામાં કચરો પેદા થાય છે, જેને ખાલી કચરામાં ફેંકવામાં આવે છે. હવે તે શાકભાજી કે ફળોની છાલ હોય કે સફાઈમાં વપરાતા ટીશ્યુ પેપર હોય. આ બધો કચરો દરરોજ રસોડામાંથી નીકળે છે અને કચરાના ઢગલામાં જાય છે. પણ શું જાણો છો કે આ વેસ્ટ મટિરિયલ આપણા માટે ખૂબ જ ઉપયોગી સાબિત થઈ શકે છે. આ ટીપ્સની મદદથી રસોડાના આ કચરાને ફરીથી ઉપયોગમાં લઇ શકાય છે.

આ રીતે ટીશ્યુનો ઉપયોગ કરો

રસોડામાં  આપણે ઘણીવાર સફાઈ અને અન્ય વસ્તુઓ માટે ટીશ્યુનો ઉપયોગ કરીએ છીએ. એકવાર તેનો ઉપયોગ કર્યા પછી તેને ડસ્ટબિનમાં ફેંકી દેવામાં આવે છે. તો જાણો ટીશ્યુનો શાનદાર ઉપયોગ. તેને ફેંકી દેવાને બદલે તેનો ઉપયોગ બાગકામમાં કરી શકો છો. તેને ઘરે બનાવેલા ખાતર સાથે ભેળવીને છોડ માટે સારું ખાતર તૈયાર કરી શકાય છે. આ ઉપરાંત  ટીશ્યુનો ઉપયોગ ફૂલના છોડ માટે ચાળણી તરીકે પણ કરી શકાય છે.

શાકભાજી અને ફળોની છાલમાંથી તૈયાર કરો ખાતર

રસોડાના કચરામાંથી મેળવેલા શાકભાજી અને ફળોની છાલની મદદથી છોડ માટે તંદુરસ્ત ખાતર ઘરે જ બનાવી શકાય છે. ફળો અને શાકભાજીની છાલ એક જગ્યાએ ભેગી કરીને એક મોટા વાસણમાં નાખી દો. 2 થી 3 દિવસ પછી જ્યારે છાલ સંપૂર્ણપણે ખાતર બની જાય ત્યારે તેનો કુદરતી ખાતર તરીકે ઉપયોગ કરો. આ ખાતરનો ઉપયોગ બગીચા અથવા બાલ્કનીમાંના છોડને સ્વસ્થ બનાવવા માટે કરી શકો છો.

ઇંડાના શેલમાંથી પ્લાન્ટર તૈયાર કરો

ઇંડા ખાધા પછી  તેના શેલ ફેંકી દેવામાં આવે છે. પરંતુ ઈંડાના શેલમાં પ્રોટીન ભરપૂર માત્રામાં જોવા મળે છે. તેનો ઉપયોગ પ્લાન્ટર્સ તૈયાર કરવા માટે થઈ શકે છે. ઈંડાના શેલને માટીથી ભરો, તેમાં બીજ નાખો અને પછી થોડું-થોડું પાણી ઉમેરતા રહો. શેલમાં હાજર પ્રોટીન બીજમાંથી તંદુરસ્ત છોડ ઉગાડવામાં મદદ કરશે.

આ રીતે ગંદા પાણીનો ઉપયોગ કરો

આપણે ઘણીવાર રસોઈ બનાવતી વખતે જે પાણીનો ઉપયોગ કરીએ છીએ તે ફેંકી દઈએ છીએ. શાકભાજી ધોવા અને ઉકાળવા માટે વપરાતું પાણી ઘણીવાર ગટરમાં રેડવામાં આવે છે પરંતુ આ પાણી ખૂબ જ ઉપયોગી સાબિત થઈ શકે છે. આ પાણીમાં ઘણા પૌષ્ટિક તત્વો જોવા મળે છે. આ પાણી બગીચાના છોડમાં રેડી શકાય છે. આનાથી પાણીનો બિનજરૂરી બગાડ અટકશે અને છોડની તંદુરસ્ત વૃદ્ધિમાં પણ મદદ મળશે.