ઉતરાયણ પર્વ નિમિતે લોકો પતંગ ઉડાવી તહેવારની ઉજવણી કરતા હોય છે. પરંતુ પતંગની ધારદાર દોરી વડે અનેક લોકો અને પક્ષીઓને ગંભીર ઈજાઓ પહોંચે છે. ત્યારે અમરેલી જિલ્લાના ઉના તાલુકાના ભોકળવા ગામે માત્ર છ વર્ષની બાળકીને દોરી ગાળામાં આવતા ગંભીર ઇજા પહોંચતા હોસ્પિટલ ખાસેડાઈ હતી.
આ બનાવ અંગે સર ટી હોસ્પિટલ ખાતેથી પ્રાપ્ત વિગતો અનુસાર અમરેલી જિલ્લાના ઉના તાલુકાના ભોકળવા ગામે પરિવાર સાથે બાઈક પર જઈ રહેલી બાળકીને અચાનક અકસ્માતે પતંગની દોરી ગાળામાં ફસાઈ હતી. પતંગની દોરી ગાળામાં આવતા સરા ધીરુભાઈ ગરથલીયા (ઉ.વ.૬) નામની બાળકીને ગંભીર ઇજા પહોંચી હતી. બનાવને પગલે ૧૦૮ ને જાણ કરાતા ૧૦૮ એમ્બયુલન્સની ટીમ તાત્કાલિક ઘટના સ્થળે પહોંચી ઈજાગ્રસ્ત બાળકીને સારવાર અર્થે ભાવનગરની સર ટી હોસ્પિટલ ખાતે ખસેડાઈ હતી.