સુરતના પલસાણાના તુંડી ગામે ફાયરિંગની ઘટના બની હતી. એક્સ આર્મીમેનના પુત્ર દ્વારા અંધાધૂંધ ફાયરિંગ કરવામાં આવતા 4 લોકોને ઈજા પહોંચી છે. ક્રિકેટ રમવા બાબતે માથાકૂટ થઇ હોવાનું સામે આવ્યું છે. વિકાસ નામના યુવકે ફાયરિંગ કર્યું હતું.

ઝઘડાં બાદ સોસાયટીના લોકો રોષે ભરાયા હતા અને તેને મારવા માટે તેના ઘરે પહોંચ્યા હતા. ટોળું જોઇને વિકાસે તેના પિતાની સિક્યોરીટી સર્વિસની બંદુકથી ફાયરિંગ કર્યું હતું. ફાયરિંગ થતા ટોળામાં નાસભાગ મચી ગઈ હતી.

ફાયરીંગમાં 4 લોકોને ઈજા થઇ હોવાની માહિતી મળી છે. એ પછી પલસાણા પોલીસ ઘટના સ્થળે દોડી ગઈ હતી અને તપાસ હાથ ધરી છે. ઈજાગ્રસ્તોને હોસ્પિટલમાં ખસેડવામાં આવ્યા છે.