ભારતીય મૂળના ટેક્નોલોજી લીડર જગદીપ સિંહ હાલમાં લગભગ રૂ. 17,500 કરોડની વાર્ષિક આવક સાથે વિશ્વમાં સૌથી વધુ પગાર મેળવનાર કર્મચારી છે. મીડિયા રિપોટ્ર્સ અનુસાર, ક્વોન્ટમસ્કેપ નામની અગ્રણી ઇલેક્ટ્રિક વ્હિકલ (ઈવી) બેટરી કંપનીના સ્થાપક જગદીપ સિંહ દરરોજ લગભગ 48 કરોડ રૂપિયા કમાય છે. આ આંકડો ઘણી જાણીતી કંપનીઓની વાર્ષિક આવક કરતાં પણ વધુ છે. તેમના પ્રભાવશાળી પગાર પેકેજમાં આશરે 2.3 બિલિયન ડોલરના સ્ટોક વિકલ્પોનો સમાવેશ થાય છે.
સિંઘે સ્ટેનફોર્ડ યુનિવર્સિટીમાંથી બી ટેક અને યુનિવર્સિટી ઓફ કેલિફોર્નિયા, બર્કલેમાંથી એમબીએ કર્યું છે. તેમણે હેવલેટ-પેકાર્ડ (એચપી) અને સન માઇક્રોસિસ્ટમ્સ જેવી પ્રતિષ્ઠિત કંપનીઓમાં તેમની કારકિર્દીની શરૂઆત કરી હતી. ત્યારબાદ તેણે 1992માં એરસોફ્ટ તરીકેનું પહેલું સાહસ સાથે અનેક સ્ટાર્ટઅપ્સની સ્થાપ્ના કરી.  ક્વોન્ટમસ્કેપ્ની સ્થાપ્ના 2010 માં કરવામાં આવી હતી. લગભગ એક દાયકા સુધી વિવિધ કંપનીઓમાં કામ કર્યા પછી આ કંપની ખાસ કરીને બેટરી ટેકનોલોજીમાં ક્રાંતિકારી નવીનતાઓ પર ધ્યાન કેન્દ્રિત કરે છે.

પિયાક્વોન્ટમસ્કેપ શું છે?
ક્વોન્ટમસ્કેપ ઈવીએસ માટે સોલિડ-સ્ટેટ બેટરી વિકસાવે છે, જે પરંપરાગત લિથિયમ-આયન બેટરીઓથી નોંધપાત્ર રીતે અલગ અને અદ્યતન છે. આ બેટરીઓ પ્રવાહી ઈલેક્ટ્રોલાઈટ્સનો ઉપયોગ કરતી નથી, જે તેમને સુરક્ષિત, ઝડપી ચાર્જ કરવા અને ઉચ્ચ ઉર્જા ઘનતા પૂરી પાડે છે. આ વિશેષતાઓને કારણે, આ ટેક્નોલોજી ઈવીએસના પડકારોને ઉકેલવામાં મદદ કરે છે જેમ કે રેન્જની ચિંતા અને લાંબા સમય સુધી ચાર્જિંગનો સમય. બિલ ગેટ્સ અને ફોક્સવેગન જેવા મોટા રોકાણકારો દ્વારા સમર્થિત, ક્વોન્ટમસ્કેપ પરિવહનના ભાવિને ફરીથી આકાર આપવા માટે તૈયાર છે. સિંઘના નેતૃત્વ હેઠળ, કંપ્ની ઈવી બેટરી ટેક્નોલોજીના ક્ષેત્રમાં અગ્રેસર બની રહી છે. 16 ફેબ્રુઆરી, 2024ના રોજ, સિંઘે ક્વોન્ટમસ્કેપ્ના સીઈઓ તરીકે રાજીનામું આપ્યું અને સપ્ટેમ્બર 2023માં કંપ્નીમાં ચેરમેન તરીકે જોડાતા શિવ શિવરામને જવાબદારી સોંપી. જો કે, મિસ્ટર સિંઘ હજુ પણ ક્વોન્ટમસ્કેપ્ના બોર્ડ ચેરમેન તરીકે સેવા આપે છે. વધુમાં, તેઓ તેમની લિન્ક્ડઇન પ્રોફાઇલ મુજબ સ્ટીલ્થ સ્ટાર્ટઅપ્ના સીઈઓ પણ છે.