જે કરદાતાઓ નાણાકીય વર્ષ 2023-24 અને આકારણી વર્ષ 2024-25 માટે આવકવેરા રિટર્ન ફાઇલ કરતી વખતે કલમ 87એ હેઠળ કર છૂટ મેળવી શક્યા ન હતા તેમના માટે રાહતના સમાચાર છે. આવા કરદાતાઓ સુધારેલા અથવા મોડા રિટર્ન ફાઇલ કરી શકે અને કર છૂટનો લાભ લઈ શકે તે માટે આવકવેરા વિભાગે આઈટીઆર ફોર્મ નંબર 2 અને 3 માટે ઑફલાઇન અને ઑનલાઇન ઉપયોગિતાઓને અપડેટ કરી છે. આ વિકલ્પ્નો ઉપયોગ કરીને, કરદાતાઓ હવે આવકવેરા પોર્ટલની મુલાકાત લઈને આકારણી વર્ષ 2024-25 માટે આવકવેરા રિટર્ન ફરીથી ફાઇલ કરી શકશે અને કલમ 87એ હેઠળ કર છૂટનો લાભ લઈ શકશે.
આવકવેરા વિભાગે તેના ઓનલાઈન રિટર્ન ફાઇલિંગ પોર્ટલ પર આ માહિતી શેર કરી છે અને કહ્યું છે કે આઈટીઆર ફોર્મ 2 અને આઈટીઆર ફોર્મ 3 માટે ઓફલાઈન અને ઓનલાઈન ઉપયોગિતાઓને અપડેટ કરવામાં આવી છે. ટેક્સ વિભાગના જણાવ્યા અનુસાર, કરદાતાઓ હવે આવકવેરા પોર્ટલની મુલાકાત લઈને આકારણી વર્ષ 2024-25 માટે કલમ 87એ હેઠળ સુધારેલા અથવા વિલંબિત રિટર્ન ફાઇલ કરીને કર છૂટ મેળવવા માટે આ વિકલ્પ્નો ઉપયોગ કરી શકે છે.
બોમ્બે હાઈકોર્ટે ગયા મહિને ધ ચેમ્બર ઓફ ટેક્સ ક્ધસલ્ટન્ટ્સ દ્વારા દાખલ કરાયેલી પીઆઈએલની સુનાવણી દરમિયાન આ આદેશ આપ્યો હતો, જે કરદાતાઓ જુલાઈ 2024 માં નાણાકીય વર્ષ 2023-24 અને આકારણી વર્ષ 2024-25 માટે જે લોકો ટેક્સ રિબેટનો લાભ લઈ શક્યા નથી તેમના માટે આવકવેરા રિટર્ન ફાઇલ કરવાની તારીખ 15 જાન્યુઆરી, 2025 સુધી લંબાવવી જોઈએ. જે કરદાતાઓએ 5 જુલાઈ, 2024 પછી આવકવેરા રિટર્ન ફાઇલ કયર્િ હતા, તેમને સીબીડીટીએ અચાનક કલમ 87એ હેઠળ કર છૂટ આપવાનું બંધ કરી દીધું, જોકે તેઓ તેના હકદાર હતા.