જામજોધપુર તાલુકાના ગીંગણી ગામમાં રહેતી મહિલાએ બિમારીના કારણે કંટાળી જઇ ગળાફાંસો ખાઇને જીવાદોરી ટુંકાવી લીધી છે.

જામજોધપુરના ગીંગણી ગામમાં રહેતા, ખેતમજુરી કરતા જયાબેન રમેશ ઉર્ફે રવજીભાઇ વારસકીયા (ઉ.વ.55) નામના વૃઘ્ધાને જુની તાવની દવા તથા લોહી ઉડી જવાની બિમારી હોય જે બિમારીના કારણે કંટાળી જઇ ગઇકાલે વાડી વિસ્તારમાં ગળાફાંસો ખાઇ લેતા મૃત્યુ થયુ હતું.

આ અંગે ગીંગણી ગામમાં રહેતા રમેશ કાનજીભાઇ વારસકીયાએ જામજોધપુર પોલીસમાં જાણ કરતા પોલીસે પ્રાથમિક વિગતો જાણી કાર્યવાહી આગળ ધપાવી હતી, વૃઘ્ધાના આપઘાતના બનાવથી પરિવારમાં શોકની લાગણી ફેલાઇ ગઇ હતી.