રાજકોટની કલેક્ટર કચેરી ખાતે ગઇકાલે મંગળવારે બપોર બાદ કલેક્ટર પ્રભવ જોષીના અધ્યક્ષસ્થાને લેન્ડ ગ્રેબિંગ કમિટીની બેઠક મળી હતી જેમાં 100 કેસનું હિયરિંગ કરવામાં આવ્યું હતું, જે પૈકી બે કેસમાં પોલીસ ફરિયાદ કરવા નિર્ણય કરવામાં આવ્યો હોવાનું જાણવા મળે છે.
વિશેષમાં કલેકટર કચેરીના સૂત્રોએ જણાવ્યું હતું કે લેન્ડ ગ્રેબિંગ કમિટીની મિટિંગમાં રાજકોટ શહેરના 50 ટકા અને જિલ્લાના 50 ટકા કેસ હતા. જેમાંથી બે કેસમાં એફઆઇઆર નોંધાવવાનો નિર્ણય કરાયો હતો, જ્યારે બાકીના 98 કેસ ડિસ્પોઝ કરવામાં આવ્યા હતા. જેમાં જૂના ભાડૂઆતવાળા કેસ, ઘરના આંતરિક વિવાદો, કોર્ટ કેસ ચાલતા હોય તેવા કેસ, જમીન માપણીના પ્રશ્નો વિગેરે પ્રકારના કેસ હતા તેમ જાણવા મળે છે.