મહિલા પોલીસ માથકમાં ફરિયાદ નોંધાવાઈ

જામનગરમાં મહાવીર સોસાયટીમાં રહેતી એક પરણીતાને તેણીના શ્વસુર પક્ષના સભ્યોએ ત્રાસ ગુજારી ઘરમાંથી હાંકી કાઢી હોવાથી તેણીએ મહિલા પોલીસ મથકનો સંપર્ક સાધ્યો છે, અને સાસરિયાઓ સામે ફરિયાદ નોંધાવી છે.
આ ફરિયાદ અંગેના બનાવની વિગત એવી છે કે જામનગરમાં સંકર ટેકરી સિદ્ધાર્થ કોલોની માં રહેતી સવિતાબેન વશરામભાઈ મકવાણા નામની પરણીતાના લગ્ન ૨૦૦૯ ની સાલમાં જામનગરમાં મહાવીર સોસાયટીમાં રહેતા હસમુખ મનજીભાઈ રાઠોડ સાથે થયા હતા. લગ્નની શરૂઆતમાં સારી રીતે રાખ્યા પછી નાની નાની બાબતોમાં ઘરકામ બાબતે વાંક કાઢીને સવિતાબેન ને તેણીના સાસરીયાઓ દ્વારા મારકૂટ કરી ત્રાસ ગુજારવામાં આવતો હતો. અને તાજેતરમાં ઘરમાંથી હાંકી કાઢવામાં આવી હતી.
આથી તેણીએ જામનગરના મહિલા પોલીસ મથકનો સંપર્ક સાધ્યો હતો, અને પોતાના સાસરીયાઓ પતિ હસમુખભાઈ મનજીભાઈ રાઠોડ, સાસુ મણીબેન મનજીભાઈ રાઠોડ, સસરા મનજીભાઈ લાલજીભાઈ રાઠોડ, નાણંદ રેખાબેન દીપકભાઈ ચૌહાણ, અને નણદોયા દિપકભાઈ કારાભાઈ ચૌહાણ સામે ફરિયાદ નોંધાવતાં પોલીસે સ્ત્રી અત્યાચાર ધારા હેઠળ ગુનો નોંધી તપાસ હાથ ધરી છે.