રીતે અકસ્માત થયો : પરિવારમાં શોકની લાગણી

મેઘપર વિસ્તારમાં કારખાનામાં કામ કરતા વેલ્ડરનો હાથ ડ્રમ બેલ્ટમાં આવી જતા ગંભીર ઇજા થવાથી મૃત્યુ નિપજયાનું પોલીસ ચોપડે જાહેર થયું છે.
ખંભાળીયાના ધરમપુર વિસ્તારમાં રહેતા હરપાલભાઇ ડાયાભાઇ ચોપડા (ઉ.વ.૨૦) નામનો યુવાન મેઘપર પડાણા પાસે આવેલ સનરાઇઝ નામના કારખાનામાં વેલ્ડર તરીકે કામ કરતો હોય દરમ્યાન ગઇકાલે સવારના કારખાનામાં પોતાનું કામ કરતા હતા.
આ દરમ્યાન ડ્રમ બેલ્ટમાં તેનો ડાબો હાથ કામ કરતી વખાતે આવી જતા હાથ ખભા નીચે બગલમાં ચિરાઇને હાડકા ભાંગી ગયા હતા, લોહી નીતરતી ગંભીર ઇજા પહોચવાથી તેનું મૃત્યુ નિપજયુ હતું.
આ બનાવ અંગે ધરમપુર વિસ્તારમાં રહેતા ડાયાભાઇ મનજીભાઇ ચોપડાએ મેઘપર પોલીસમાં જાણ કરી હતી. જેના આધારે હેડ કોન્સ વી.સી. જાડેજાએ સ્થળ પર દોડી જઇ આગળની કાર્યવાહી હાથ ધરી હતી.
***
મસીતીયામાં બિમારીથી કંટાળી યુવતિએ મોત મીઠુ કર્યુ

જામનગર નજીક મસીતીયા વાડી વિસ્તારમાં રહેતી એક યુવતિએ માનસીક બિમારીથી કંટાળીને ઝેરી દવા પી લેતા સારવાર દરમ્યાન તેણીનું મૃત્યુ નિપજયુ છે.
જામનગર તાબેના મસીતીયા ગામ વાડી વિસ્તાર શાળા નં. ૨ પાસે રહેતા અફસાનાબેન અલારખાભાઇ ખફી (ઉ.વ.૧૯) નામની યુવતિને છેલ્લા એકાદ વર્ષથી માનસીક બિમારી હોય જેની દવા લીધી હતી દરમ્યાન આ બિમારીના કારણે કંટાળી જઇ ગત તા. ૫ના રોજ પોતાની મેળે ઝેરી દવા પી લેતા સારવારમાં ખસેડવામાં આવી હતી, દરમ્યાન સારવારમાં મૃત્યુ નિપજયુ છે. આ અંગે મસીતીયા વાડી વિસ્તારમાં રહેતા અલારખા આમદભાઇ ખફી દ્વારા ગઇકાલ પંચકોશી-બીમાં જાણ કરવામાં આવી હતી.