શખ્સ સામે પોલીસ ફરિયાદ : તપાસમાં ખેતી અને બાંધકામ કર્યાનું ખુલ્યું

કલ્યાણપુર તાલુકાના કાનપર શેરડી ગામે રહેતા રાજશી પુંજાભાઈ છૈયા નામના શખ્સ દ્વારા આ જ ગામની સરવે નંબર ૧૩૫ (જુના સરવે નંબર ૯૦-૧-૧) વાળી આશરે ૧૦ વીઘા જેટલી સરકારી પડતર જમીન ઉપર છેલ્લા ઘણા સમયથી અનધિકૃત રીતે કબજો જમાવીને અહીં ખેતીકામ તથા બાંધકામ કરવામાં આવ્યું હોવાનું ખુલવા પામ્યું છે.
આ અંગે કલ્યાણપુરના મામલતદાર ભરતકુમાર મોહનલાલ ખાનપરાની ફરિયાદ પરથી કલ્યાણપુર પોલીસે કાનપર શેરડી ગામના રાજશી છૈયા સામે  ૩.૫૫ લાખની કિંમતની જમીન ઉપર ગેરકાયદેસર રીતે દબાણ કરવા સબબ ગુજરાત જમીન પચાવી પાડવા પર (પ્રતિબંધ) અધિનિયમ (લેન્ડ ગ્રેબિંગ)ની કલમ હેઠળ ગુનો નોંધ્યો છે. આ પ્રકરણમાં આગળની તપાસ એ.એસ.પી. રાઘવ જૈન ચલાવી રહ્યા છે.