રાજ્યમાં ખેડૂતો દ્વારા પૂરતી વીજળી મળી રહે તે માટે સતત સરકારને માગ કરવામાં આવી રહી છે. ત્યારે આ માગને ધ્યાને લઈને રાજ્ય સરકારે મહત્વનો નિર્ણય આજે કર્યો હતો. જેમાં સૌરાષ્ટ્રના ચાર જિલ્લામાં રાજકોટ, જૂનાગઢ, જામનગર અને પોરબંદરમાં ખેડૂતોને સિંચાઈ માટે 10 કલાક વીજળી આપવાનો નિર્ણય કરવામાં આવ્યો છે.

મહત્વનું છે કે રાજ્યમાં અનેક ગામોમાં ખેડૂતોને પૂરતો વીજ પૂરવઠો મળતો ન હોવાની પણ ફરિયાદો સામે આવે છે. ત્યારે ખેડૂતોની માગના આધારે રાજ્ય સરકાર દ્વારા મહત્વનો નિર્ણય કરવામાં આવ્યો છે. રાજ્ય સરકાર દ્વારા સૌરાષ્ટ્રના 4 જિલ્લામાં સિંચાઇ માટે 10 કલાક વીજળી આપવાનો નિર્ણય કરવામાં આવ્યો છે.

પહેલા અપાતી હતી 8 કલાક વીજળી

રાજ્ય સરકાર દ્વારા કરવામાં આવેલા નિર્ણય પ્રમાણે રાજકોટ, જૂનાગઢ, જામનગર અને પોરબંદર જિલ્લામાં હવેથી 10 કલાક વીજળીની ફાળવણી કરાઈ છે. મહત્વનું છે કે આ પહેલા ખેડૂતોને સિંચાઈ માટે માત્ર 8 કલાક વીજળી આપવામાં આવતી હતી. જોકે ખેડૂતો દ્વારા માંગ કરવામાં આવી હતી કે, વીજળી આપવાના કલાકોમાં વધારો કરવામાં આવે. જેને ધ્યાને લઈને સરકાર દ્વારા મહત્વનો નિર્ણય લેવામાં આવ્યો છે. ઉલ્લેખનીય છે કે હવેથી ખેડૂતોને 2 કલાક વધુ વીજળી એટલે કે 10 કલાક વીજળી મળશે.