પોરબંદરના ઠોયાણા આજુબાજુના વિસ્તારમાંથી માટીનું ગેરકાયદેસર ખનન અને હેરાફેરી થઇ રહ્યા છે તેવી ફરિયાદ જિલ્લા કલેકટરને મળતા ઉચ્ચકક્ષાએ અપાયેલી સૂચના બાદ પાડવામાં આવેલા દરોડા બાદ એક કરોડ દસ લાખના વાહનો સીઝ થયા છે.
પોરબંદરના ઠોયાણાની આજુબાજુના વિસ્તારમાં અમુક ઇસમો તકનો લાભ લઇને ખેડૂતોને  ટ્રક અને ડમ્ફર જેવા વાહનો ભરીને માટીનું વેચાણ કરી રહ્યા હોવાની જિલ્લા વહીવટીતંત્રને ફરિયાદ મળી હતી.કલેકટર એસ. ડી. ધાનાણીની સૂચના અન્વયે માટી ચોરી અંગેની ફરિયાદ અરજી અન્વયે રાણાવાવ તાલુકાના ઠોયાણા ગામે આકસ્મિક તપાસ હાથ ધરતા ગેરકાયદેસર માટી ખનીજ ખનન કરતાં એક હ્યુંડાઇ કંપનીનું એક્ષેવેટેર મશીન જેના તેમજ ચાર ડમ્પર ઝડપી પાડેલ.ખનન કરનાર ઇસમ ઓડેદરા પરબત દુદાભાઇ હોવાનું તપાસમાં જણાય આવેલ આ તમામ મશીનરી તપાસ ટીમ દ્વારા સીઝ કરી રાણાવાવ પોલીસ સ્ટેશન ખાતે અટકમાં રાખવામાં આવેલ છે તેમજ આગળની નિયમોનુસારની કાર્યવાહી હાથ ધરવામાં આવશે.સીઝ કરેલ મુદ્દામાલ ની અદાજીત કિંમત ૧ કરોડ ૧૦ ‚પિયા હોવાનું વહીવટીતંત્રએ જાહેર કર્યુ છે.