છોલે-ભટુરે ઉત્તર ભારતમાં લોકપ્રિય વાનગી છે. આ સ્વાદિષ્ટ વાનગી તેના મસાલેદાર છોલે અને ફ્લફી ભટુરા માટે જાણીતી છે. જો કે સ્વાદિષ્ટ છોલે-ભટુરે બજારમાં ઘણી જગ્યાએ મળે છે પરંતુ તે સ્વાસ્થ્ય માટે હાનિકારક હોય શકે છે. તમે ઘરે પણ સરળતાથી બજાર જેવા છોલે-ભટુરે બનાવી શકો છો. માટે જાણો છોલે-ભટુરે બનાવવાની રેસીપી જેને ફોલો કરીને પરિવાર અને મિત્રોને સ્વાદિષ્ટ છોલે-ભટુરે પાર્ટી માટે આમંત્રિત કરી શકો છો.

છોલે બનાવવા માટેની સામગ્રી:

• 1 કપ ચણા
• 1 મોટી ડુંગળી, સમારેલી
• 2 ટામેટાં, સમારેલા
• 2 લીલા મરચા, સમારેલા
• 1 ચમચી જીરું
• 1 ચમચી ધાણા પાવડર
• 1/2 ચમચી હળદર પાવડર
• 1/2 ચમચી ગરમ મસાલો
• 1/2 ચમચી લાલ મરચું પાવડર
• 1 ચમચી આમચુર પાવડર
• 1/2 ચમચી મીઠું
• 1 કપ પાણી
• તળવા માટે તેલ

છોલે બનાવવાની રીત:

• ચણાને આખી રાત પાણીમાં પલાળી રાખો.
  
  
• સવારે ચણાને પાણીથી ધોઈને કુકરમાં નાખો.
  
  
• કૂકરમાં 1 કપ પાણી અને મીઠું નાખી ઢાંકણ બંધ કરો.
  
  
• ચણાને 3-4 સીટી સુધી પકાવો.
  
  
• પછી ચણાને બહાર કાઢીને બાજુ પર રાખો.
  
  
• એક પેનમાં તેલ ગરમ કરો અને તેમાં જીરું ઉમેરો.
  
  
• જીરું તતડે પછી તેમાં ડુંગળી, ટામેટા અને લીલા મરચા નાખીને સાંતળો.
  
  
• જ્યારે શાકભાજી નરમ થઈ જાય ત્યારે તેમાં ધાણા પાવડર, હળદર પાવડર, ગરમ મસાલો, લાલ મરચું પાવડર, આમચુર પાવડર અને મીઠું ઉમેરીને બરાબર મિક્ષ કરી લો.
  
  
• હવે પેનમાં રાંધેલા ચણા ઉમેરીને બરાબર મિક્ષ કરી લો.
  
  
• 1 કપ પાણી ઉમેરો અને ચણાને 10-15 મિનિટ સુધી ચડવા દો.
  
  
• ચણા ઘટ્ટ થાય ત્યાં સુધી પકાવો.

ભટુરે બનાવવા માટેની સામગ્રી:

• 1 કપ લોટ
• 1/2 કપ પાણી
• 1/2 ચમચી મીઠું
• તળવા માટે તેલ

ભટુરે બનાવવાની રીત:

• એક વાસણમાં લોટ, મીઠું અને પાણી ઉમેરી લોટ બાંધો.
  
  
• લોટને 15-20 મિનિટ ઢાંકીને રાખો.
  
  
• લોટના નાના-નાના બોલ બનાવો.
  
  
• પાટલી વેલણની મદદથી દરેક કણકને મોટા અને ગોળ આકારમાં વાળી લો.
  
  
• એક પેનમાં તેલ ગરમ કરો.
  
  
• તેલ ગરમ થાય એટલે પેનમાં ભટુરા નાખો.
  
  
• ભટુરાને બંને બાજુ સોનેરી થાય ત્યાં સુધી તળો.
  
  
• ભટુરાને બહાર કાઢીને ટીસ્યુ પેપર પર રાખો.
  
  
• હવે ઘરે જ સ્વાદિષ્ટ છોલે ભટુરે માણી શકો છો! તેને ગરમાગરમ સર્વ કરો.